ப்ரீமியம்
ஆங்கிலம் அறிவோமே 4.0 - 66: ‘Super hit’ தெரியும், ‘Sleeper hit’?

மிகச் சிறப்பாக ஓடும் திரைப்படங்களை ‘super hit movie’ என்று கூறக் கேட்டிருக்கிறேன். சமீபத்தில் ஒரு நாளிதழில் ‘sleeper hit’ என்று ஒரு திரைப்படத்தை விவரித்து இருந்தார்கள். இதற்கு என்ன பொருள்?

ஒரு திரைப்படம் பெரிதாக விளம்பரப்படுத்தப்படவில்லை. பெரிய பட்ஜெட்டிலும் எடுக்கப்படவில்லை. அதில் மிகப் பிரபலமான நட்சத்திரங்களும் இல்லை. என்றாலும் அனைவரும் வியப்படையும்படி போகப்போக அதிகளவில் பேசப்பட்டு பெருவெற்றி அடைந்தால் அதை ‘sleeper hit’ என்பார்கள். ‘ஒரு தலை ராகம்’, ‘ராட்சசன்’, ‘மைனா’, ‘வாகை சூட வா’, ‘சிவா மனசுல சக்தி’, ‘சூது கவ்வும்’, ‘எங்கேயும் எப்போதும்’, ‘லவ் டுடே' ஆகியவற்றை இந்தப் பட்டியலில் சேர்க்கலாம். திரைப்படம் மட்டும் இல்லை, தொலைக்காட்சித் தொடர், வீடியோ கேம், இசைப்பாடல் காணொளிகள் போன்றவற்றில்கூட இது போன்ற ‘sleeper hits’ உருவாகலாம்.