டிஎன்பிஎஸ்சி குரூப் - IV மாதிரி வினா - விடை 52

1507. ஸ்ரீரங்கத்தில் பணியாற்றிய இராமானு ஜருடன் பூசலில் ஈடுபட்டவர் A) இராஜராஜன் B) முதலாம் இராஜேந்திர சோழன் C) ஆதி ராஜேந்திரன் D) குலோத்துங்கன்

1508. வலங்கை (வலதுகை) மற்றும் இடங்கை (இடது கை) ஆகியன தென்னிந்திய சமூகத்தில் முதன் முதலில் அறிவிக்கப்பட்டது A) பாண்டியர் காலம் B) பல்லவர் காலம் C) சோழர் காலம் D) நாயக்கர் காலம்

1509. பின்வருவனவற்றுள் புகழ்வாய்ந்த மணிகிராமம் என்பது A) பொற்கொல்லர்களின் பகுதி B) பவுத்த முனிவர்கள் வசித்த பகுதி C) வர்த்தகர்களின் சங்கம் D) சோழர் அரசு பகுதியில் பிராமணர் களுக்கு வரி விலக்கு அளிக்கப்பட்ட பகுதி

1510. நமது தமிழகத்தின் ‘விருந்தோம்பல்’ என்ற சொல்லுக்கு பொருள் யாது? A) புதுமை B) பழமை C) தோழமை D) வாய்மை

1511. கணியன் பூங்குன்றனாரின் “யாதும் ஊரே யாவரும் கேளிர்” என்ற புறப்பாடல் வரி பின்வரும் எந்த பன்னாட்டு அவையின் நுழைவு வாயிலில் ஆங்கில மொழிபெயர்ப்புடன் கல்லில் வடிக்கப்பட்டுள்ளது? A) ஐரோப்பிய ஒன்றியம் B) ஐக்கிய நாடுகள் சபை C) சார்க் அமைப்பு D) உலக வங்கி

1512. பல்லவர் காலத்தில் பிராமணர்களுக்கு நிலங்களை தானமாக வழங்கியதற்கு பெயர் என்ன? A) அக்ஹரகாரம் B) சதுர்வேதி மங்களம் C) பிரம்மதேய நிலம் D) தேவதான நிலம்

1513. பின்வரும் பழந்தமிழ் நூல்களில் இசை நூல்களாக அறியப்படுபவை எவை? 1. பெருநாரை 2. பெருங்குருகு 3. பஞ்ச பாரதீயம் 4. கச்சபுட வெண்பா 5. இந்திரகாளியம் A) 1, 2 மற்றும் 3 சரி B) 2, 3 மற்றும் 4 சரி C) 1, 3 மற்றும் 4 சரி D) மேற்கண்ட அனைத்தும் சரி

1514. பொருத்துக. பட்டியல்-1 பட்டியல்-2 a) கடம்பு 1. முருகன் b) காயாம்பூ 2. சிவன் c) கொன்றை 3. திருமால் d) வில்வம் குறியீடு a b c d A) 1 2 3 3 B) 1 3 2 2 C) 2 1 3 2 D) 3 1 2 1

1515. சங்க காலத்திலிருந்து தமிழ்நாட்டில் தொடர்ந்து நடைமுறையிலிருக்கும் ஒன்று, பின்வரும் ஆரிய மரபல்லாத சமூக நம்பிக்கைகளுள் எது? A) குழந்தைகள் அணியும் ஐம்படை ஆபரணம் B) திருமணமான பெண்கள் அணியும் தாலி C) விதவைகளின் தலை மொட்டையடிக்கப்படுவது D) பிரிந்து போன ஆன்மாவுக்கு சமைத்த சோற்று உருண்டையைப் படைப்பது

1516. பொருத்துக. பட்டியல்-1 பட்டியல்-2 a) குறிஞ்சி 1. கொற்றவை b) பாலை 2. திருமால் c) முல்லை 3. வேந்தன் d) மருதம் 4. வருணன் e) நெய்தல் 5. முருகன் குறியீடு a b c d e A) 1 2 4 3 5 B) 3 1 2 5 4 C) 5 4 1 3 2 D) 3 2 1 4 5

1517. திராவிடர் கட்டிடக் கலைப் பாணியின் மிகமுக்கியப் பண்புக் கூறு A) சிகரம் B) கோபுரம் C) விமானம் D) மண்டபம்

1518. சோழர்கள் காலத்தில் திரிபுவனீஸ்வரம் என்பது என்ன? A) கல்லூரி B) இடைநிலைக் கல்லூரி C) நடுநிலைப்பள்ளி D) கோயில்

1519. தமிழில் இராமாயணம் ----- காலத்தில் எழுதப்பட்டது A) பல்லவர் B) சோழர் C) நாயக்கர் D) சங்க

1520. சங்க கால தமிழர்களின் சமூக நிலையை விளக்குவது எது? A) மணிமேகலை B) தொல்காப்பியம் C) பத்துபாட்டு D) எட்டுத்தொகை

1521. பின்வரும் கூற்றுகளில் சரியானவை எது/எவை? 1. சங்க இலக்கியங்களில் எண், கணக்கு, நாழிகை யாமம், காதம், கோல் போன்ற அளவைகள் இடம் பெற்றுள்ளன. 2. கணியன் என்பவர் பாடகர் மற்றும் நடனமாடுபவர் ஆவார். A) 1 மட்டும் B) 2 மட்டும் C) 1 மற்றும் 2 D) இரண்டும் இல்லை

1522. தமிழகத்தில் ஆடவல்ல நடனமகள் ---- என்று அழைக்கப்பட்டாள் A) கூத்தன் B) பாடினி C) நங்கை D) விறலி

விடைகள்

1507. D

1508. C

1509. C

1510. A

1511. B

1512. B

1513. D

1514. B

1515. B

1516. C

1517. C

1518. D

1519. B

1520. B

1521. A

1522. D

தமிழக பண்பாடு

டி.என்.பி.எஸ்.சி. குரூப் IV தேர்வில் இந்தியா மற்றும் தமிழக பண்பாடு என்ற பாடத்தின் கீழ் சுமார் 5 கேள்விகள் கேட்கப்படலாம். பழங்கால இந்தியாவில் தொடங்கி தற்போது வரை நீண்டு வரும் பல்வேறு சமூக பழக்கவழக்கங்கள், பண்பாட்டு விழுமியங்கள், பண்டைய இந்தியாவின் சமூக ஓட்டத்தில் கலந்திருந்த அறிவியல், அறநெறி சிந்தனைகள் குறித்து கேள்விகள் இப்பகுதியில் இடம்பெறும்.

இனம், மொழி, சமூக மறுமலர்ச்சி இயக்கங்கள், சமூக மறுமலர்ச்சிக்கு வித்திட்ட முக்கிய திருப்பங்கள் என வரலாறு பாடத்தை, பண்பாடு சார்ந்து படிப்பதே இந்த பகுதியாகும். நம் அனைவருக்கும் பரிச்சயமான, பழமை யான சமூக பழக்கவழக்கங்களில் இருந்தும் கேள்விகள் வரும்.

திருவிழாக்கள், நாட்டுப்புற பாடல்கள், கிராமிய நடனங்கள் என இந்தியா முழுவதும் சிறந்து விளங்கும் பண்பாட்டு சிறப்பம்சங்களை மாநிலம் வாரியாக விரிவாக தெரிந்து வைத்திருக்க வேண்டும். இதில் தமிழகத்துக்கு அதிக முக்கியத்துவம் அளித்து படிப்பது நல்லது.

தமிழகத்தில் திராவிட இயக்கத்தின் வளர்ச்சி, அவர்கள் முன்வைத்த பகுத்தறிவு கோட்பாடு, அதனால் தமிழகத்தின் அரசியல் மற்றும் சமூக போக்கில் ஏற்பட்ட மாற்றங்கள் ஆகியவற்றை அறிந்து வைத்திருக்க வேண்டும். அதிக தகவல்களை நினைவில் வைத்திருக்க வேண்டும் என்பதால் மீண்டும், மீண்டும் வாசிப்பது பலனளிக்கும்.

தமிழ்நாட்டுப் பாடநூல் கழகத்தின் 12-ம் வகுப்பில் வரும் இந்தியப் பண்பாடு புத்தகத்தை அவசியம் வாசித்திருக்க வேண்டும். தட்சிணா மூர்த்தி எழுதிய ‘தமிழக நாகரீகமும் பண்பாடும்’ என்ற புத்தத்தையும் வாசிப்பது நல்லது.

சங்கர்

சங்கர் ஐஏஎஸ் அகாடமி அண்ணா நகர், சென்னை-40>www.shankariasacademy.com