Published : 15 Jul 2020 18:13 pm

Updated : 15 Jul 2020 18:13 pm

 

Published : 15 Jul 2020 06:13 PM
Last Updated : 15 Jul 2020 06:13 PM

யுஏஇ-யில்  செப்டம்பரில் ஐபில் 2020 தொடர்? - டி20 உலகக்கோப்பை ரத்து?

ipl-2020-uae-september-2020-cricket

உலகக்கோப்பை டி20 குறித்து ஐசிசி எதையும் வாயைத் திறக்காத நிலையில் பிசிசிஐ, ஐக்கிய அரபு அமீரக கிரிக்கெட் வாரியத்துடன் ஐபிஎல் 2020 தொடர்பாகப் பேச்சு வார்த்தை நடத்தியுள்ளதாக தகவல்கள் வெளியாகியுள்ளன.

கரோனா வைரஸ் பாதிப்பு உலகநாடுகளில் போகப்போக அதிகரித்து வருகிறதே தவிர குறைந்தபாடில்லை. இங்கிலாந்தில் டெஸ்ட் தொடர் ரசிகர்கள் இல்லாமல் ஆரம்பித்திருப்பது நல்ல அறிகுறியாகப் பார்க்கப்படும் வேளையில், இந்தியாவில் நடத்துவதை விட யு.ஏ.இ-யில் ஐபிஎல் நடத்துவது நல்வாய்ப்பு என்று பிசிசிஐ கருதுவதாகத் தெரிகிறது.

உலகக்கோப்பை டி20 கிரிக்கெட்டை ஐசிசி ஊற்றி மூடுவதற்குத்தான் அதிக வாய்ப்பென்று ஐசிசி வட்டாரங்கள் சூசகமாக தெரிவிக்கின்றன. ஐசிசி இது பற்றி வாயைத் திறக்கவில்லை என்றாலும் தொடரை நடத்தும் ஆஸ்திரேலியா தரப்பிற்கு நெருக்கமானவர்கள் டி20 உலகக்கோப்பை ரத்தாகும் என்று கூறுகின்றனர்.

ஐபிஎல் போட்டிகளை நடத்தாவிட்டால் பிசிசிஐக்கு ரூ.4000 கோடி நஷ்டம் ஏற்படும், அணி உரிமையாளர்கள், ஒளிபரப்பு கூட்டாளிகளுக்கு பெருத்த நஷ்டம் ஏற்படும் என்பதால் எப்படியாவது ஐபில் கிரிக்கெட்டை நடத்த பிசிசிஐ படாதபாடு படுகிறது.

பிசிசிஐ பெறும் ஒளிபரப்பு உரிமை தொகையில் 8 அணிகளுக்கும் 50% பங்கு உண்டு. ஐபிஎல் அணிகள் ஒரு சீசனில் ரூ.100 கோடி முதல் 150 கோடி வரை லாபம் ஈட்டுவார்கள் என்று வல்லுநர்கள் கூறுகின்றனர்.

2014-ல் ஏற்கெனவே ஐபிஎல் போட்டிகளின் ஒருபகுதி யுஏஇ-யில் நடந்தன. வெளிநாட்டு வீரர்களும் ஐபிஎல் தொடருக்காகவே காத்திருக்கின்றனர். இந்நிலையில் யுஏஇ-யில் செப்டம்பரில் ஐபிஎல் நடக்க வாய்ப்பிருப்பதாகவே தெரிகிறது.

அன்பு வாசகர்களே....


இந்த ஊரடங்கு காலத்தில் வீட்டை விட்டு வெளியே வராமல் நமக்கு நாமே சமூக விலகல் ( Social Distancing) செய்து கொள்வோம். செய்தி ஊடகங்களின் வழியே உலகுடன் தொடர்பில் இருப்போம். பொதுவெளியில் இருந்து தனிமைப்படுத்திக் கொண்டு கரோனா பரவலைத் தடுப்பதில் நம் பங்கை முழுமையாக இந்த சமூகத்துக்கு அளிப்போம்.


CoVid-19 கரோனா தடுப்பு / விழிப்புணர்வு கையேடு - இலவசமாக டவுன்லோடு செய்து பயன்பெறுங்கள்!


- வாசகர்கள் நலனில் அக்கறையுடன் இந்து தமிழ் திசை

தவறவிடாதீர்!

IPL 2020UAESeptember 2020Cricketஐபிஎல் கிரிக்கெட் 2020இந்தியாபிசிசிஐயுஏஇஉலகக்கோப்பை டி20ஆஸ்திரேலியா

Sign up to receive our newsletter in your inbox every day!

You May Like

More From This Category

More From this Author