Published : 10 Sep 2019 16:00 pm

Updated : 10 Sep 2019 16:00 pm

 

Published : 10 Sep 2019 04:00 PM
Last Updated : 10 Sep 2019 04:00 PM

ஐசிசி டெஸ்ட் தரவரிசை; அசைக்க முடியாத இடத்தில் ஸ்மித்: காலியான கோலி முதலிடம்

smith-maintains-lead-over-kohli-in-icc-test-rankings
ஸ்டீவ் ஸ்மித், விராட் கோலி : கோப்புப்படம்

துபாய்,

சர்வதேச கிரிக்கெட் கவுன்சில் (ஐசிசி) டெஸ்ட் பேட்ஸ்மேன் தரவரிசையில் ஆஸ்திரேலியாவின் ஸ்டீவ் ஸ்மித்தும், பந்துவீச்சாளர்களில் பாட் கம்மின்ஸும் தொடர்ந்து முதலிடத்தில் உள்ளனர்.


மான்செஸ்டரில் நடந்து முடந்த இங்கிலாந்துக்கு எதிரான ஆஷஸ் 4-வது டெஸ்ட் போட்டியின் போது, ஸ்மித்தின் 211 மற்றும் 82 ரன்கள் தரவரிசையில் மிகப்பெரிய உயர்வை அளித்துள்ளது.

937 புள்ளிகளுடன் டெஸ்ட் பேட்ஸ்மேன்களுக்கான தரவரிசையில் முதலிடத்தில் ஸ்மித் உள்ளார். டிசம்பர் 2017-ம் ஆண்டு ஸ்மித் எடுத்த 947 புள்ளிகளைப் பெறுவதற்கு இன்னும் 10 புள்ளிகள்தான் அவருக்குத் தேவைப்படுகிறது. இன்னும் ஒரு டெஸ்ட்டில் ஆஸ்திரேலிய அணி விளையாட உள்ளது.

இந்திய அணியின் கேப்டன் விராட் கோலி 903 புள்ளிகளுடன் 2-வது இடத்தில் தொடர்கிறார். 3-வது இடம் முதல் 10-வது இடம் வரை முறையே கேன் வில்லியம்ஸன், சட்டேஸ்வர் புஜாரா, ஹென்றி நிகோலஸ், ஜோ ரூட், அஜின்கயே ரஹானே, டாம் லாதம், திமுத் கருணாரத்னே, எய்டன் மார்க்ரம் ஆகியோர் உள்ளனர்.

பந்துவீச்சாளர்கள் வரிசையில் ஆஸ்திரேலிய அணியின் வேகப்பந்துவீச்சாளர் கம்மின்ஸ் ஆஷஸ் தொடரின் 4-வது ஆட்டத்தில் 7 விக்கெட்டுகளை வீழ்த்தினார். இதன் மூலம் 914 புள்ளிகளுடன் தொடர்ந்து முதலிடத்தில் உள்ளார். 2001-ம் ஆண்டு முன்னாள் ஆஸ்திரேலிய வேகப்பந்துவீச்சாளர் மெக்ராத் எடுத்த புள்ளிகளுக்கு இணையாக கம்மின்ஸ் எடுத்துள்ளார்.

2-வது இடத்தில் தென் ஆப்பிரிக்கா வேகப்பந்துவீச்சாளர் ரபாடா 64 புள்ளிகள் பின்தங்கியுள்ளார். பும்ரா 835 புள்ளிகளுடன் மூன்றாமிடத்தில் உள்ளார். ஆஸ்திரேலிய வீரர் ஜோஸ் ஹேடல்வுடன் 12-வது இடத்தில் இருந்து 8-வது இடத்துக்கு உயர்ந்துள்ளார். ஹேசல்வுட் அவரின் கிரிக்கெட் வாழ்க்கையில் மிகச்சிறந்த தரவரிசை இதுவாகும்.



இதுதவிர இங்கிலாந்து அணியின் ஜோஸ் பட்லர் 4 இடங்கள் முன்னேறி 37-வது இடத்திலும், ரோரி பர்ன்ஸ் 6 இடங்கள் உயர்ந்து 61-வது இடத்துக்கும் முன்னேறியுள்ளனர். ஆஸ்திரேலிய கேப்டன் டிம் பெய்ன் 6 இடங்கள் முன்னேறி 60-வது இடத்திலும் உள்ளனர்.

சட்டோகிராம் நகரில் நடந்த டெஸ்ட் போட்டியில் வங்கதேசத்தை 224 ரன்கள் வித்தியாசத்தில் ஆப்கானிஸ்தான் அணி வென்றது. இதில் ஆப்கானிஸ்தான் வீரர் அஸ்கர் ஆப்கன் இரு அரை சதங்கள் அடித்ததால், தரவரிசையில் 110-வது இடத்தில் இருந்து 63-வது இடத்துக்கு உயர்ந்தார். சதம் அடித்த ரஹமத் ஷா 93-வது இடத்தில் இருந்து 65-வது இடத்துக்கு முன்னேறியுள்ளார்.

கேப்டன் ரஷித் கான் இரு இன்னிங்ஸிலும் சேர்த்து 11 விக்கெட்டுகளை வீழ்த்தியதால் தரவரிசையில் 69-வது இடத்தில் இருந்து 37-வது இடத்துக்கும், முகமது நபி 85-வது இடத்துக்கும் முன்னேறியுள்ளனர்.

பிடிஐ

அன்பு வாசகர்களே....


வரும் ஏப்ரல் 14 வரை வீட்டை விட்டு வெளியே வராமல் நமக்கு நாமே சமூக விலகல் ( Social Distancing) செய்து கொள்வோம். செய்தி ஊடகங்களின் வழியே உலகுடன் தொடர்பில் இருப்போம். பொதுவெளியில் இருந்து தனிமைப்படுத்திக் கொண்டு கரோனா பரவலைத் தடுப்பதில் நம் பங்கை முழுமையாக இந்த சமூகத்துக்கு அளிப்போம்.


CoVid-19 கரோனா தடுப்பு / விழிப்புணர்வு கையேடு - இலவசமாக டவுன்லோடு செய்து பயன்பெறுங்கள்!


- வாசகர்கள் நலனில் அக்கறையுடன் இந்து தமிழ் திசை



Smith maintains leadICC Test rankingsKohliPat CumminsAustraliaThe Ashesவிராட் கோலிஸ்டீவ் ஸ்மித்பாட் கம்மின்ஸ்ஆஷஸ் டெஸ்ட் தொடர்ஜஸ்புரித் பும்ரா

Sign up to receive our newsletter in your inbox every day!

You May Like

More From This Category

More From this Author