நீங்கள்தான் எப்போதும் எங்கள் கேப்டன்: 300-வது ஒருநாள் போட்டி காணும் தோனியிடம் கோலி உருக்கம்

தனது 300-வது ஒருநாள் சர்வதேசப் போட்டியில் களம்கண்ட தோனிக்கு இந்திய கேப்டன் விராட் கோலி வெள்ளி மட்டை ஒன்றை பரிசாக அளித்தார்.

300-வது ஒருநாள் போட்டியில் தோனி மீண்டும் 42 பந்துகளில் 49 ரன்கள் எடுத்து நாட் அவுட்டாகத் திகழ்ந்தார், தொடர்ந்து 3-வது முறையாக இந்தத் தொடரில் நாட் அவுட்டாகத் திகழ்ந்தார் தோனி.

இந்நிலையில் தோனிக்கு வெள்ளி பேட் ஒன்றைப் பரிசாக அளித்த கோலி கூறியதாவது:

“எங்களில் 90 சதவீதம் பேர் உங்கள் தலைமையின் கீழ்தான் கிரிக்கெட் வாழ்க்கையைத் தொடங்கினோம். இந்த நினைவுப்பரிசை உங்களுக்கு அளிப்பது எங்களுக்கு கிடைத்த கவுரவம், நீங்கள்தான் எப்போதும் எங்கள் கேப்டன்” என்றார் கோலி உருக்கமாக.