19 விநாடிகளுக்குள் இலக்கை எட்டி 200மீ ஓட்டத்தில் சாதனை படைப்பேன்: உசைன் போல்ட் உறுதி

தனது கடைசி ஒலிம்பிக் போட்டித் தொடரில் விளையாடும் உசைன் போல்ட் 200 மீ ஓட்டத்தில் தனது உலக சாதனையான 19.19 விநாடிகளை முறியடிப்பேன் என்று உறுதி கூறியுள்ளார்.

100மீ, 200மீ மற்றும் 4X100மீ ஓட்டம் ஆகியவற்றிலும் புதிய சாதனை படைப்பேன் என்று உலகின் அதிவேக மனிதன் என்று அழைக்கப்படும் ஜமைக்காவின் உலக சாம்பியன் உசைன் போல்ட் தெரிவித்துள்ளார்.

“இது எனது கடைசி ஒலிம்பிக் தொடர் என்பது உறுதி. நான் அனைத்தையும் செய்துவிட்டேன், நிரூபித்துள்ளேன். ஆனாலும் நிறைய பேர் மகிழ்ச்சியாக இல்லை.

எனவே 200மீ ஓட்டத்தில் 19 விநாடிகளுக்குள் இலக்கினை எட்டுவேன். 100 மீ ஓட்டம் எனக்கு பிரச்சினையல்ல, ஆனால் 200மீ எனக்கு பதற்றமளிக்கிறது. எனவே இம்முறை பதற்றத்தை வென்று 19 விநாடிகளுக்குள் இலக்கை எட்ட அனைத்தையும் செய்து வருகிறேன்” என்றார் உசைன் போல்ட்.