மாஸ்டர் செஸ் போட்டி: 2-வது சுற்றில் ஆனந்த் டிரா

80-வது டாடா ஸ்டீவ் மாஸ்டர்ஸ் செஸ் போட்டியின் 2-வது சுற்றில் இந்திய வீரரும், உலக சாம்பியனுமான விஸ்வநாதன் ஆனந்த் டிரா செய்தார்.

இந்தப் போட்டி நெதர்லாந்திலுள்ள விஜ்க் ஆன் ஜீ நகரில் நடைபெற்று வருகிறது. இந்த நிலையில் நேற்று நடைபெற்ற 2-வது சுற்றின்போது விஸ்வநாதன் ஆனந்த், ரஷிய வீரர் செர்கே கர்ஜாகினை எதிர்த்து விளையாடினார்.

இந்த சுற்றில் இருவரும் சிறப்பாகவே விளையாடினர். இறுதியில் இந்த ஆட்டம் டிராவில் முடிவடைந்தது. 2-வது சுற்றின் முடிவில் ஆனந்த். 1.5 புள்ளிகளுடன் 2-ம் இடத்தில் உள்ளார். நார்வேயின் மேக்னஸ் கார்ல்ஸன், அஜர்பைஜானின் ஷக்ரியார் மாமெட்யாரோவ் ஆகியோர் தலா 1.5 புள்ளிகளுடன் ஆனந்துடன் 2-ம் இடத்தைப் பகிர்ந்துகொண்டுள்ளனர்.

ஹாலந்து வீரர் அனிஷ் கிரி 2 புள்ளிகளுடன் முதலிடத்தில் உள்ளார். இந்த சுற்றில் இந்திய வீரர் அதிபன் தோல்வி கண்டார். மேக்னஸ் கார்ல்ஸன் அவரை வீழ்த்தினார்.

இந்திய வீராங்கனை டி.ஹரிகா இந்த சுற்றில் நெதர்லாந்து வீரர் பெஞ்சமின் போக்குடன் டிரா கண்டார்.