Published : 09 Nov 2017 10:10 AM
Last Updated : 09 Nov 2017 10:10 AM
ஆஷஸ் டெஸ்ட் தொடரில் இருந்து இங்கிலாந்து வேகப்பந்து வீச்சாளர் ஸ்டீவன் ஃபின் விலகி உள்ளார்.
5 போட்டிகள் கொண்ட ஆஷஸ் தொடரில் விளையாடுவதற்காக ஜோ ரூட் தலைமையிலான இங்கிலாந்து கிரிக்கெட் அணி, ஆஸ்திரேலியாவில் சுற்றுப்பயணம் மேற்கொண்டுள்ளது. இந்நிலையில் கடந்த வாரம் பெர்த் மைதானத்தில் பயிற்சியில் ஈடுபட்ட போது இங்கிலாந்து அணியின் வேகப்பந்து வீச்சாளர் ஸ்டீவன் ஃபின் காயம் அடைந்தார். அவருக்கு ஸ்கேன் எடுத்து பார்க்கப்பட்டதில் இடது முழங்காலில் உள்ள குருத்தெலும்பில் முறிவு ஏற்பட்டுள்ளது தெரியவந்துள்ளது. இதையடுத்து ஆஷஸ் தொடரில் இருந்து ஸ்டீவன் ஃபின் விலகி உள்ளார்.
அவர் இதுவரை 36 டெஸ்ட் போட்டிகளில் விளையாடி 125 விக்கெட்கள் கைப்பற்றி உள்ளார். ஆஸ்திரேலிய மண்ணில் 2010-ம் ஆண்டு இரு டெஸ்ட்டில் விளையாடி உள்ளார். அவருக்கு பதிலாக 22 வயதான வேகப்பந்து வீச்சாளரான டாம் குர்ரான் அணியில் சேர்க்கப்பட்டுள்ளார். ஆஷஸ் தொடரின் முதல் ஆட்டம் வரும் 23-ம் தேதி பிரிஸ்பனில் தொடங்குகிறது.
Sign up to receive our newsletter in your inbox every day!
WRITE A COMMENT