ப்ரீமியம்
சுந்தரத் தெலுங்கோடு தமிழும் கைகோக்கட்டுமே!

தமிழகத்தின் வடக்கு எல்லையாக வேங்கட மலையையும், தென் எல்லையாகக் குமரிக் கடலையும் தொல்காப்பியத்தின் சிறப்புப் பாயிரம் இப்படி வரையறுத்திருக்கிறது: ‘வடவேங்கடம் தென்குமரி ஆயிடைத் தமிழ்கூறு நல்லுலகத்து’. இன்றும் தமிழ், தெலுங்கு பேசும் மக்களின் எல்லையாக இருக்கும் திருமலை திருப்பதியில் ‘பல்லாண்டு பல்லாண்டு பல்லாயிரத்தாண்டு/ பலகோடி நூறாயிரம்/ மல்லாண்ட திண்தோள் மணிவண்ணா! உன்/ சேவடி செவ்வித்திருக்காப்பு’ என்ற நாலாயிர திவ்யபிரபந்தப் பாடல்தான் திருப்பள்ளி எழுச்சியாக ஒலித்துக்கொண்டிருக்கிறது. ஆனால், வெங்கடேஸ்வரா பல்கலைக்கழகத்தில் தமிழ்த் துறை இயங்காமல் ரங்கநாதரைப் போல் அறிதுயில் கொண்டுள்ளது.