‘திறமையாளர்களை அரசு அங்கீகரிப்பது இல்லை’: மோடி அரசு மீது ராகுல் குற்றச்சாட்டு

காங்கிரஸ் கட்சியின் ஓபிசி மாநாட்டில் நேற்று ராகுல் காந்தி பேசும்போது, “அமெரிக்காவில் எலுமிச்சை பானம் விற்பனை செய்தவர்தான் கோக-கோலா நிறுவனம் தொடங்கினார். அவரது திறமை அங்கீகரிக்கப்பட்டது. இதுபோல் சிறிய உணவகம் நடத்தியவர்தான் மெக்டொனால்ட் நிறுவனத்தை தொடங்கினார். போர்டு, மெர்சிடிஸ், ஹோண்டா போன்ற ஆட்டோ மொபைல் நிறுவனங்களை மெக்கானிக்-குகள் தொடங்கினர். திறமையானவர்களுக்கு வெளிநாடுகளில் வாய்ப்பு வழங்கப்படுவது போல் இந்தியாவில் வழங்கப்படுவதில்லை, திறமைசாலிகளான பிற்படுத்தப்பட்ட வகுப்பினருக்கு நிதியுதவி அளிக்காமல் மத்திய அரசு அவர்களை புறக்கணிக்கிறது” என்றார்.