ப்ரீமியம்
வேளாண் விஞ்ஞானி எம்.எஸ்.சுவாமிநாதன் மறைவு: தலைவர்கள் புகழஞ்சலி | செய்தித் தெறிப்புகள் 10 @ செப்.28, 2023

வேளாண் விஞ்ஞானி எம்.எஸ்.சுவாமிநாதன் மறைவு: இந்தியாவின் சிறந்த வேளாண் விஞ்ஞானியும், பசுமைப் புரட்சியின் தந்தை என அழைக்கப்படுபவருமான எம்.எஸ்.சுவாமிநாதன் வியாழக்கிழமை காலமானார். அவருக்கு வயது 98.

சென்னை தேனாம்பேட்டையில் உள்ள அவரது இல்லத்தில் காலை 11.20 மணி அளவில் அவரது உயிர் பிரிந்தது. சுவாமிநாதனின் உடல் பொதுமக்களின் தேனாம்பேட்டை இல்லத்தில் அஞ்சலிக்காக வைக்கப்பட்டுள்ளது. இவருக்கு சவும்யா சாமிநாதன், மதுரா சுவாமிநாதன், நித்யா ராவ் ஆகிய மூன்று மகள்கள் உள்ளனர். இவரது மனைவி முன்பே காலமாகிவிட்டார்.