குஜராத் பாஜக 3-வது வேட்பாளர் பட்டியல் வெளியீடு

குஜராத் சட்டப்பேரவையில் மொத்தம் 182 உறுப்பினர்கள் உள்ளனர். டிசம்பர் 9, 14 ஆகிய தேதிகளில் 2 கட்டங்களாக தேர்தல் நடைபெற உள்ளது. இதையொட்டி பாஜக 70 வேட்பாளர்கள் கொண்ட முதல் பட்டியலை கடந்த வெள்ளிக்கிழமையும் 36 வேட்பாளர்கள் கொண்ட 2-வது பட்டியலை சனிக்கிழமையும் வெளியிட்டது.

இந்நிலையில் 28 வேட்பாளர்கள் கொண்ட 3-வது பட்டியல் நேற்று வெளியானது. பாஜக.வின் 3-வது பட்டியலில் சபாநாயகர் ராமன் வோரா, முன்னாள் அமைச்சர்கள் சவுரப் படேல், கோவிந்த்பாய் படேல் உள்ளிட்டோர் இடம்பெற்றுள்ளனர். இதனிடையே முதல்வர் விஜய் ருபானி தனது ராஜ்கோட் மேற்கு தொகுதியில் நேற்று வேட்புமனு தாக்கல் செய்தார்.