5 - பூந்தமல்லி (தனி)

திருவள்ளூர் மாவட்டத்தில், சென்னையை ஒட்டியுள்ள சட்டப்பேரவை தொகுதிதான் பூந்தமல்லி. இந்த தொகுதியில், பூந்தமல்லி வட்டத்தின் பெரும்பகுதிகள், திருவள்ளூர் வட்டத்தின் ஒரு பகுதி அடங்கியுள்ளன.

பூந்தமல்லி நகராட்சி மற்றும் திருமழிசை பேரூராட்சி ஆகியவை உள்ள பூந்தமல்லி தொகுதியில்தான்,

பிரசித்திப் பெற்ற பூந்தமல்லி திருக்கச்சி நம்பிகள் மற்றும் வரதராஜப் பெருமாள் கோயில் மற்றும் திருமழிசை ஜெகந்நாத பெருமாள் கோயில்கள் அமைந்துள்ளன.

மேலும், பூந்தமல்லி ஒருங்கிணைந்த நீதிமன்றம், வெடி குண்டு வழக்குகளுக்கான சிறப்பு நீதிமன்றம் மற்றும் திருமழிசை சிட்கோ தொழிற்பேட்டை மற்றும் தனியார் மதுபான தொழிற்சாலை உள்ளிட்ட பல்வேறு தொழிற்சாலைகள், செங்கல் சூளைகள் இத்தொகுதியில் இயங்கி வருகின்றன.

தலித், வன்னியர் சமூகத்தினர் கணிசமாக வசிக்கும் இத்தொகுதியில், விவசாயம் பிரதான தொழிலாக விளங்குகிறது.

சென்னையிலிருந்து, வேலூர் உள்ளிட்ட வடமாவட்டங்கள், பெங்களூரூ உள்ளிட்ட பகுதிகளுக்கு செல்லும் வழியில் உள்ள பூந்தமல்லி பஸ் நிலையப் பகுதியில் எந்நேரமும் போக்குவரத்து நெரிசல் தொடர்கதையாக உள்ளது.

அதுமட்டுமல்லாமல், பூந்தமல்லி நகராட்சியில் பாதாள சாக்கடை திட்டத்தை செயல்படுத்தவேண்டும், பூந்தமல்லி அரசு கலைக் கல்லூரி அமைக்கவேண்டும் என்பது பொதுமக்களின் நீண்ட நாளைய கோரிக்கை.

மேலும், புதுசத்திரம் பகுதியில், கூவம் ஆற்றின் குறுக்கே உயர்மட்ட மேம்பாலம் அமைக்கவேண்டும், தாமரைப்பாக்கத்தில் கிடப்பில் உள்ள மாநகர போக்குவரத்து பணிமனை அமைக்கும் பணியை தொடரவேண்டும் உள்ளிட்ட நீண்ட கால கோரிக்கைகள் வரிசை கட்டி நிற்கின்றன.

பூந்தமல்லி தொகுதியில் கடந்த 1977 முதல் 2011 வரை நடந்த 9 தேர்தல்களில், 3 முறை திமுகவும், 3 முறை காங்கிரஸும், ஒரு முறை தாமாகவும், ஒரு முறை பாமகவும், ஒரு முறை அதிமுகவும் வெற்றி பெற்றுள்ளன. இதில், கடந்த 2011-ல் நடந்த சட்டப்பேரவை தேர்தலில், அதிமுக வேட்பாளர் மணிமாறன் 99,097 வாக்குகள் பெற்று வெற்றி பெற்றார். அவரை எதிர்த்து போட்டியிட்ட காங்கிரஸ் வேட்பாளர் மதியழகன் 57, 678 வாக்குகள் பெற்று 2-ம் இடம் பிடித்தார் என்பது குறிப்பிடத்தக்கது.

2016 தேர்தலில் களம் காணும் வேட்பாளர்கள் விவரம்

தொகுதியில் அடங்கியுள்ள பகுதிகள்

அரும்பாக்கம், திருக்கனன்சேரி, வீளாம்பாக்கம், கெருகம்பூண்டி, செம்பேடு, வெங்கல், வெள்ளியூர், அம்மணம்பாக்கம், அகரம், சேத்துபாக்கம், குருவாயல், அரக்கம்பட்டு, சிங்கிலிகுப்பம், ஆயலசேரி, புதுக்குப்பம், கோடுவெளி, காரணை, மாகரல், தாமரைப்பாக்கம், மேலக்கொண்டையூர், வதட்டூர், கரிக்கலவாக்கம், விஷ்ணுவாக்கம், கீழனூர், மேலானூர், ஒத்திக்காடு, புன்னப்பாக்கம், புல்லரம்பாக்கம், ஈக்காடு, கல்யாண குப்பம், சிட்டத்தூர், பேரத்தூர், அயலூர், புன்னப்பட்டு, சிவன்வாயல், நல்லாங்காவனூர், புலியூர், பாக்கம், வேப்பம்பட்டு, அயத்தூர், சிறுகளத்தூர், தொட்டிக்கலை, கிளாம்பாக்கம், தண்டலம், தண்ணீர்குளம், காக்களூர், புட்லூர், தொழுர், சிறுகடல், செவ்வாப்பேட்டை, பெரும்பாள்பட்டு, வேப்பம்பட்டு, திருவூர் மற்றும் அரண்வாயல் கிராமங்கள்.

பூந்தமல்லி வட்டம்

கூடப்பாக்கம், வரதராஜபுரம், வெள்ளவேடு, நேமம், நொச்சி மேடு, மெய்யூர், படூர், அகரமேல், நாசரத் பேட்டை, கண்ணப்பாளையம், மேல்பாக்கம், சொரன்சேரி, அமுதூர்மேடு, அக்ரஹாரமேல், திருநின்றவூர், கொரட்டூர், வயலாநல்லூர், கோலப்பஞ்சேரி, பாணவேடுதோட்டம், பிடாரிதாங்கல், பாரிவாக்கம், சென்னீர்குப்பம், கொரட்டூர், கீழ்மணம்பேடு, காட்டுப்பாக்கம் மற்றும் கோபரசநல்லூர் கிராமங்கள்.

29/4/2016-ன்படி வாக்காளர்கள் விவரம்:

2016 சட்டப் பேரவை தேர்தல்- வாக்கு விவரங்கள்

பூந்தமல்லி (தனி), தொகுதி கடந்து வந்த தேர்தல்கள் (1977 - 2011)

2006 – தேர்தல் ஒரு பார்வை

2011 - தேர்தல் ஒரு பார்வை