கும்பகோணத்தில் இளைஞரைத் தாக்கிய 3 பேர் கைது; திமுக செயலாளரை தேடும் போலீஸ்

கும்பகோணம்: கும்பகோணத்தில் முன்பகையில் இளைஞரைத் தாக்கிய 3 பேரை போலீஸார் கைது செய்தனர். மேலும், தாக்குதலில் தொடர்புடைய திமுக செயலாளரை போலீஸார் தேடி வருகின்றனர்.

கும்பகோணம் வட்டம், திருவலஞ்சுழி, எம்.ஜி.ஆர். நகரைச் சேர்ந்தவர் மூர்த்தி மகன் ரஞ்சித் (25). இவர் மற்றும் இவரது உறவினர் விஷ்ணு ஆகிய 2 பேரும் நேற்று இரவு திருவலஞ்சுழி, கடைத்தெரு வழியாக இரு சக்கர வாகனத்தில் வந்த கொண்டிருந்தனர். அப்போது, அதே பகுதியைச் சேர்ந்த பழனியப்பன் மகன் சீரஞ்சீவி (23), கணேசன் மகன் அன்பரசன் (30), காமராஜ் மற்றும் இவரது மகன் தேவராஜ் (20) ஆகிய 4 பேரும் ரஞ்சித், விஷ்ணு 2 பேரையும் தாக்கியதாகக் கூறப்படுகிறது.

இதில் பலத்த காயமடைந்த விஷ்ணு, கும்பகோணம் அரசு மருத்துவமனையில் சிகிச்சைக்காக அனுமதிக்கப்பட்டார். இது குறித்து ரஞ்சித், சுவாமிமலை காவல் நிலையத்தில் அளித்த புகாரின் பேரில், காவல் ஆய்வாளர் சிவசெந்தில்குமார் மற்றும் போலீஸார், சீரஞ்சீவி,அன்பரசன், தேவராஜ் ஆகிய 3 பேர்களை கைது செய்து விசாரணை மேற்கொண்டு வருகின்றனர்.

மேலும், காமராஜை போலீஸார் தேடி வருகின்றனர். காமராஜ் திருவலஞ்சுழி திமுக செயலாளராக உள்ளார் என்பது குறிப்பிடத்தக்கத்து.