Published : 01 Sep 2021 17:37 pm

Updated : 01 Sep 2021 17:37 pm

 

Published : 01 Sep 2021 05:37 PM
Last Updated : 01 Sep 2021 05:37 PM

ஒரே மாதத்தில் விஜய் சேதுபதியின் 4 படங்கள்

vijay-sethupathi-starring-4-movies-to-release-in-september

சென்னை

செப்டம்பர் மாதத்தில் விஜய் சேதுபதி நடிப்பில் 4 படங்கள் வெளியாகவுள்ளன.

நாயகன், வில்லன், நிகழ்ச்சித் தொகுப்பாளர் எனத் தொடர்ச்சியாகப் பணிபுரிந்து வருபவர் விஜய் சேதுபதி. அவர் நடிப்பில் உருவான பல்வேறு படங்கள் வெளியீட்டுக்குத் தயாராக உள்ளன. கரோனா அச்சுறுத்தலால் திரையரங்குகள் மூடப்பட்டு இருந்ததால், சில படங்கள் ஓடிடி வெளியீட்டைத் தேர்வு செய்துள்ளன.

இதில் செப்டம்பர் மாதத்தில் மட்டும் விஜய் சேதுபதி நடிப்பில் 4 படங்கள் வெளியாகவுள்ளன. மறைந்த இயக்குநர் எஸ்.பி.ஜனநாதன் இயக்கத்தில் விஜய் சேதுபதி நடித்துள்ள 'லாபம்' திரைப்படம் செப்டம்பர் 9-ம் தேதி திரையரங்குகளில் வெளியாகவுள்ளது. இதற்கான விளம்பரப்படுத்தும் பணிகள் தொடங்கப்பட்டுள்ளன.

அறிமுக இயக்குநர் தில்லி பிரசாத் இயக்கத்தில் விஜய் சேதுபதி, பார்த்திபன், சத்யராஜ் உள்ளிட்ட பலர் நடித்துள்ள 'துக்ளக் தர்பார்' திரைப்படம் செப்டம்பர் 10-ம் தேதி சன் தொலைக்காட்சியில் நேரடியாக ஒளிபரப்பாகவுள்ளது. செப்டம்பர் 11-ம் தேதி நெட்ஃப்ளிக்ஸ் ஓடிடி தளத்தில் வெளியாகும் எனவும் அறிவிக்கப்பட்டுள்ளது.

அதேபோல் தீபக் சுந்தரராஜன் இயக்கத்தில் விஜய் சேதுபதி, டாப்ஸி, ராதிகா, யோகி பாபு உள்ளிட்ட பலர் நடித்துள்ள 'அனபெல் சேதுபதி' திரைப்படம் செப்டம்பர் 17-ம் தேதி ஹாட்ஸ்டார் ஓடிடி தளத்தில் வெளியாகவுள்ளது. மேலும், மணிகண்டன் இயக்கத்தில் நல்லாண்டி, விஜய் சேதுபதி, யோகி பாபு உள்ளிட்ட பலர் நடித்துள்ள 'கடைசி விவசாயி' திரைப்படமும் இந்த மாதத்தில்தான் வெளியாகவுள்ளது. ஆனால், தேதி இன்னும் முடிவு செய்யப்படவில்லை.


தவறவிடாதீர்!


Vijay sethupathiSun tvHotstarNetflixLaabamAnnabelle sethupathiKadaisi vivasayiTuglak durbarOne minute newsவிஜய் சேதுபதிதுக்ளக் தர்பார்அனபெல் சேதுபதிக்டைசி விவசாயிலாபம்

Sign up to receive our newsletter in your inbox every day!

More From This Category

More From this Author

x