Published : 08 Apr 2020 20:54 pm

Updated : 08 Apr 2020 21:15 pm

 

Published : 08 Apr 2020 08:54 PM
Last Updated : 08 Apr 2020 09:15 PM

கரோனா பற்றி நகைச்சுவை: அமெரிக்க டிவி பிரபலத்தைச் சாடித் தீர்த்த நெட்டிசன்ஸ்

ellen-degeneres-slammed-by-netizens-for-joking-about-coronavirus

அமெரிக்க தொலைக்காட்சியில் பிரபலமான எல்லன் டிஜெனரஸ் நெட்டிசன்களின் கோபத்தைச் சம்பாதித்துக் கொண்டுள்ளார். தனது வீட்டில் தனிமையில் இருப்பது சிறையில் இருப்பதைப் போல என்று அவர் சொன்னதற்குத்தான் இந்த எதிர்வினை.

தனது மனைவி போர்ஷியாவுடன் தனது மாளிகையில் சுய தனிமையில் இருந்து வருகிறார் எலன் டிஜெனரஸ். வழக்கமாக ஸ்டூடியோவில் நடக்கும் 'தி எலன் ஷோ' நிகழ்ச்சியை இம்முறை தனது வீட்டிலிருந்தே வழங்கினார் எலன்.

இந்த நிகழ்ச்சியில் பேசுகையில், கரோனாவால் தனிமையில் இருந்தது சிறையில் இருந்ததைப் போல உணரவைத்தது என்று நகைச்சுவையாகப் பேசினார். மேலும், பத்து நாட்களாக நான் ஒரே துணிகளைத்தான் அணிந்து வருகிறேன் என்றும் அவர் சொன்னார். இதற்கு ட்விட்டரில் கடும் எதிர்ப்பை சம்பாதித்துள்ளார்.

அவரது பிரம்மாண்ட மாளிகையில் ஓய்வெடுப்பதே சிறை என்று சொன்னதால் ஒரு பயனர், "பிரத்தியேகமாக வடிவமைக்கப்பட்ட உடைகளில், உங்கள் மாளிகையில் தனிமையில் இருப்பதைப் போல சிறையில் இருக்கவே இருக்காது" என்று பதில் பதிவிட்டுள்ளார்.

"ஆஹா என்ன ஒரு அபாரமான காட்சி எலன். நிஜமாகவே ஆயிரக்கணக்கானோர் சிறையில், சோப்பு உள்ளிட்ட அடிப்படை பாதுகாப்பு கூட இல்லாமல் நம்பிக்கையில் கழித்துக் கொண்டிருக்கிறார்கள்" என்று இன்னொருவர் பதிவிட்டுள்ளார்.

மேலும், ''எலன்தான் மோசமானவர்'', ''இவர் ஒரு வருடத்தில் பல மாளிகைகளை வாங்கி, அதை மறுவடிவமைத்து விற்றவர் தானே'' என்று எண்ணற்ற நெட்டிசன்கள் தங்கள் கோபத்தைக் கொட்டித் தீர்த்துள்ளனர்.

'எலன் ஷோ' மார்ச் இரண்டாம் வாரத்தின் போது கரோனா பிரச்சினையால் நிறுத்திவைக்கப்பட்டது. கடந்த வாரம், தனது வீட்டிலிருந்தே தான் இந்த நிகழ்ச்சியைத் தொடரவுள்ளதாக அறிவித்தார் எலன்.

அன்பு வாசகர்களே....


இந்த ஊரடங்கு காலத்தில் வீட்டை விட்டு வெளியே வராமல் நமக்கு நாமே சமூக விலகல் ( Social Distancing) செய்து கொள்வோம். செய்தி ஊடகங்களின் வழியே உலகுடன் தொடர்பில் இருப்போம். பொதுவெளியில் இருந்து தனிமைப்படுத்திக் கொண்டு கரோனா பரவலைத் தடுப்பதில் நம் பங்கை முழுமையாக இந்த சமூகத்துக்கு அளிப்போம்.


CoVid-19 கரோனா தடுப்பு / விழிப்புணர்வு கையேடு - இலவசமாக டவுன்லோடு செய்து பயன்பெறுங்கள்!


- வாசகர்கள் நலனில் அக்கறையுடன் இந்து தமிழ் திசை

தவறவிடாதீர்!

அமெரிக்க டிவி பிரபலம்கரோனாகொரோனாகரோனா முன்னெச்சரிக்கைகரோனா அச்சம்கரோனா ஊரடங்குகரோனா தொற்றுகரோனா வைரஸ்

Sign up to receive our newsletter in your inbox every day!

You May Like

More From This Category

More From this Author