Published : 18 Mar 2020 17:08 pm

Updated : 18 Mar 2020 20:26 pm

 

Published : 18 Mar 2020 05:08 PM
Last Updated : 18 Mar 2020 08:26 PM

பைக் சண்டைக் காட்சிகளில் ஹியூமா குரேஷி

huma-qureshi-in-valimai

'வலிமை' படத்தில் அஜித்துடன் பைக் சண்டைக் காட்சிகளில் நடிக்க ஆயத்தமாகி வருகிறார் ஹியூமா குரேஷி.

ஹெச்.வினோத் இயக்கத்தில் அஜித் நடிப்பில் உருவாகி வரும் படம் 'வலிமை'. ஜீ ஸ்டுடியோஸ் வழங்க, போனி கபூர் தயாரித்து வரும் இந்தப் படத்தின் படப்பிடிப்பு சென்னையைச் சுற்றியுள்ள பகுதிகளில் நடைபெற்று வந்தது. தற்போது கரோனா முன்னெச்சரிக்கை நடவடிக்கைக்காகப் படப்பிடிப்பு நிறுத்தி வைக்கப்பட்டுள்ளது.

இந்தப் படத்தில் அஜித்துக்கு நாயகியாக நடித்து வருகிறார் ஹியூமா குரேஷி. அஜித்துடன் முதன்முறையாக நாயகியாக நடிக்கும் இவர், அவருடன் இணைந்து பைக் சண்டைக்காட்சிகளிலும் நடிக்கவுள்ளார். இதற்காக வேகமாக பைக் ஓட்டுவது உள்ளிட்ட சில பயிற்சிகளை மேற்கொண்டு வருகிறார்.

அடுத்தகட்டப் படப்பிடிப்பில் அஜித் - ஹியூமா குரேஷி இணைந்து வில்லன் ஆட்களுடன் சண்டையிடும் காட்சிகளைப் படமாக்குவார்கள் எனத் தெரிகிறது. நீரஷ் ஷா ஒளிப்பதிவு செய்து வரும் இந்தப் படத்துக்கு யுவன் இசையமைத்து வருகிறார். 'வலிமை' திரைப்படம் தீபாவளிக்கு வெளியாகும் என்று போனி கபூர் அறிவித்துள்ளார்.

'வலிமை' படத்துக்கு முன்பாக பா.இரஞ்சித் இயக்கத்தில் ரஜினி நடித்த 'காலா' படத்திலும் முக்கியக் கதாபாத்திரத்தில் நடித்தவர் ஹியூமா குரேஷி என்பது குறிப்பிடத்தக்கது.

அன்பு வாசகர்களே....


இந்த ஊரடங்கு காலத்தில் வீட்டை விட்டு வெளியே வராமல் நமக்கு நாமே சமூக விலகல் ( Social Distancing) செய்து கொள்வோம். செய்தி ஊடகங்களின் வழியே உலகுடன் தொடர்பில் இருப்போம். பொதுவெளியில் இருந்து தனிமைப்படுத்திக் கொண்டு கரோனா பரவலைத் தடுப்பதில் நம் பங்கை முழுமையாக இந்த சமூகத்துக்கு அளிப்போம்.


CoVid-19 கரோனா தடுப்பு / விழிப்புணர்வு கையேடு - இலவசமாக டவுன்லோடு செய்து பயன்பெறுங்கள்!


- வாசகர்கள் நலனில் அக்கறையுடன் இந்து தமிழ் திசை

தவறவிடாதீர்!

வலிமைவலிமை அப்டேட்அஜித்ஹியூமா குரோஷிசண்டைக் காட்சிகளில் ஹியூமா குரோஷிசண்டைக் காட்சிகளில் அஜித்போனி கபூர்ஹெச்.வினோத்நீரவ் ஷாயுவன்

Sign up to receive our newsletter in your inbox every day!

You May Like

More From This Category

More From this Author