சென்னை பட விழா | அண்ணா | டிசம்.13 | படக்குறிப்புகள்

காலை 9.30 மணி | BIKEMAN / BIKEMAN SAKKARIN TOODMUEK | DIR: PRUEKSA AMRUJI | THAILAND | 2018 | 106'

சாக்கரின் 25 வயது வேலையில்லாத இளைஞர். ஆனால் அவரது தாய்க்கு மகனை எப்படியாவது வங்கிப்பணியில் அமர்த்த வேண்டும் என்ற விருப்பம். அதன் மூலம் தனது மகனை மட்டுமல்லாமல், தன்னையும், குடும்பத்தையும் மகிழ்ச்சியாக வைத்துக் கொள்வான் என எண்ணுகிறாள். இதனால் தனது தாயின் மகிழ்ச்சிக்காக வங்கியில் வேலை கிடைத்து விட்டதாக கூறி அதற்குரிய சீருடையை அணிந்து வேலைக்குச் செல்கிறார் சாக்கரின்.

தினந்தோறும் சீருடையில் செல்லும் மகனை பார்த்து தாய் மகிழ்கிறார். ஆனால் மகன் வெளியே சென்றதும் சீருடையை கலைந்து விட்டு வேறு உடைக்கு மாறுகிறார். உண்மையில் மோட்டர் பைக் டாக்ஸி ஓட்டுநர் பணி செய்கிறார். அதற்குரிய உடையை அணிந்து பணியை தொடங்குகிறார். அவரது 'ஆள் மாறாட்டம்' எப்படி வெளிப்படுகிறது என்பதே கதை.

பகல் 12.00 மணி | IRINA / IRINA | DIR: NADEJDA KOSEVA | BULGARIA / POLAND | 2018 | 96'

சிறு நகரமான பல்கேரியாவில், பகுதி நேரமாக வேலை செய்து வருகிறாள் ஐரினா. அவள் வேலையை விட்டு நீக்கப்படும் அதே நாளில் அவளது கணவன் மோசமான விபத்தை சந்திக்கிறான். அவளது குடும்பம் வறுமையில் சிக்குகிறது. குடும்பத்துக்காக வாடகைத் தாயாக மாறுகிறாள். ஏற்கனவே உடைந்து போயிருக்கும் அவளது வாழ்வில், வயிற்றில் வளரும் கருவால் நிறைய சண்டையும் அவநம்பிக்கையும் பெருகுகிறது. ஆனால் மெதுவாக, அன்பு, மன்னித்தல் ஆகியவற்றின் உண்மையான அர்த்தத்தை ஐரினா புரிந்துகொள்கிறாள்.

பிற்பகல் 2.30 மணி | STRIPPED / EROM | DIR: YARON SHANI | ISRAEL / ITALY / GERMANY | 2018 | 119'

17 வயது ஜிவ், ஒரு திறமையான உணர்வுபூர்வமான இசைக்கலைஞன். தனது பெற்றோருடன் வசிக்கும் ஜிவ் ராணுவத்தில் நுழைவதற்கான பேச்சு அடிபடுகிறது. ஆனால் அவரது அப்பாவித்தனத்தையும் கனவுகளையும் பறிகொடுக்க வேண்டிய நிலை ஏற்படும் என்பதால் நிறைய யோசிக்கிறான். இதற்கிடையில் தெருவைக் கடக்கும் இடத்தில் ஒரு வெற்றிகரமான எழுத்தாளரும் சுதந்திர சிந்தனையுள்ள பெண் அழகான 34 வயதான ஆலிஸ் வாழ்கிறார். இருவருக்கும் இடையிலான ஒரு சீரற்ற சந்திப்பு ஈர்ப்பையும் புரிதலையும் ஏற்படுத்துகிறது. அதேநேரம் அப்பெண் அனுபவிக்கும் பயங்கரமான மன நெருக்கடி பற்றி அவனுக்குத் தெரியாது. அவர்களுக்கு இடையேயான சந்திப்பு அவர்களின் தலைவிதியை என்றென்றும் நிர்ணயிக்கக் காத்திருக்கிறது.

மாலை 4.30 மணி | SWEETHEARTS / SWEETHEARTS | DIR: KAROLINE HERFURTH | GERMANY | 2019 | 107'

தவறுதலில் சென்று முடிந்த வைரக் கடத்தல் சம்பவத்தாலும், விதியின் கட்டாயத்தினாலும் ஒன்றாக இணைய கட்டாயப்படுத்தப்படுகிறார்கள் மெலும், பிரானியும், கடத்தல்காரியான மெலும், அவரால் கடத்தப்பட்ட பிரானியும் ஒருவரை ஒருவர் எதிர்த்துக் கொண்டு ஒன்றாக பயணிக்கிறார்கள். இந்த நிலையில் இருவருக்கு ஏற்படும் பிரச்சனை ஒன்றிலிருந்து தப்பிப்பதற்கு ஒன்றாக பணி செய்வதை தவிர வேறு வாய்ப்பு இல்லாமல் போகிறது. இரு பெண்களின் கதாபாத்திரத்தை மையமாகக் கொண்ட இப்படத்தை நகைச்சுவை கலந்த பாணியில் இயக்கி இருக்கிறார் இயக்குனர் கரோலின் ஹெஃபர்த்.

மாலை 7.15 மணி | A REGULAR WOMAN / NUR EINE FRAU | DIR: SHERRY HORMANN | TURKEY / GERMANY | 2019 | 90'

துருக்கிய வம்சாவளியைச் சேர்ந்த ஜெர்மன் பெண்ணான ஹதுன் அய்ருன் செரெஸின் தலைவிதியையும், அவரது குடும்பத்தின் எதிர்ப்பை எதிர்கொண்டு ஒரு சுதந்திரமான, சுயநிர்ணய வாழ்க்கைக்கான போராட்டத்தையும் சித்தரிக்கிறது இத்திரைப்படம். அவளுடைய வாழ்க்கை முறையை அவளுடைய சகோதரர்கள் ஏற்க மறுக்கிறார்கள்; அவமதிப்புகளும் அச்சுறுத்தல்களும் தொடர்ந்து அதிகரித்து வருகின்றன. கவுரவக் கொலையை மையமாக கொண்ட படம் இது. பெர்லினில் ஒரு பரபரப்பான தெருவில் அய்ருனை சொந்த சகோதரன் நூரி சுட்டுக் கொள்கிறார். அதே நேரத்தில் அவளுடைய ஐந்து வயது மகன் கேன் சில நூறு மைல் தொலைவில் உள்ள தனது குடியிருப்பில் தூங்கிக்கொண்டிருக்கிறான். தனது பின்னணியை கதையின் நாயகியான அய்ரூன் கதை சொல்வது போல அமைந்துள்ளது.