Published : 07 Sep 2016 09:08 am

Updated : 14 Jun 2017 18:55 pm

 

Published : 07 Sep 2016 09:08 AM
Last Updated : 14 Jun 2017 06:55 PM

பவர் பாண்டி படத்தின் மூலமாக இயக்குநரானார் தனுஷ்

ராஜ்கிரண் நடிப்பில் உருவாகும் 'பவர் பாண்டி' படம் மூலமாக இயக்குநராகவும் அறிமுகமாகிறார் தனுஷ்.

நடிகர், பாடகர், பாடலாசிரியர், தயாரிப்பாளர் என பல்வேறு தளங்கில் இயங்கி வருபவர் தனுஷ். அனைத்து தளங்கிலுமே தன்னுடைய முத்திரை பதித்திருக்கிறார். தற்போது இயக்குநராகவும் அறிமுகமாக இருக்கிறார்.

"படம் இயக்குவது என்பது தனது நீண்ட நாள் கனவு" என்று பல பேட்டிகளில் தெரிவித்திருக்கிறார் தனுஷ். தற்போது அந்த கனவு நனவாகி இருக்கிறது. ராஜ்கிரண் நடிக்கும் 'பவர் பாண்டி' படத்தினை இயக்கவிருக்கிறார் தனுஷ். இதனை தனுஷின் வுண்டர்பார் நிறுவனம் தயாரிக்கிறது. சென்னையில் இன்று முதல் படப்பிடிப்பு தொடங்கவிருக்கிறது.

பிரசன்னா, சாயா சிங் உள்ளிட்ட பலர் இப்படத்தில் முக்கிய கதாபாத்திரத்தில் நடிக்கவிருக்கிறார்கள். வேல்ராஜ் ஒளிப்பதிவு செய்யும் இப்படத்துக்கு ஷான் ரோல்டன் இசையமைக்க இருக்கிறார்.

'என் ராசாவின் மனசிலே' படத்தின் மூலமாக ராஜ்கிரண் மற்றும் தனுஷின் தந்தை கஸ்தூரி ராஜா இருவரும் திரையுலகிற்கு அறிமுகமானார்கள். தற்போது தந்தை இயக்குநராக அறிமுகமான நாயகனுடன், தனுஷும் இயக்குநராக அறிமுகமாக இருக்கிறார் என்பது குறிப்பிடத்தக்கது.

அன்பு வாசகர்களே....


இந்த ஊரடங்கு காலத்தில் வீட்டை விட்டு வெளியே வராமல் நமக்கு நாமே சமூக விலகல் ( Social Distancing) செய்து கொள்வோம். செய்தி ஊடகங்களின் வழியே உலகுடன் தொடர்பில் இருப்போம். பொதுவெளியில் இருந்து தனிமைப்படுத்திக் கொண்டு கரோனா பரவலைத் தடுப்பதில் நம் பங்கை முழுமையாக இந்த சமூகத்துக்கு அளிப்போம்.


CoVid-19 கரோனா தடுப்பு / விழிப்புணர்வு கையேடு - இலவசமாக டவுன்லோடு செய்து பயன்பெறுங்கள்!


- வாசகர்கள் நலனில் அக்கறையுடன் இந்து தமிழ் திசை

தனுஷ்ராஜ்கிரண்பிரசன்னாசாயா சிங்பவர் பாண்டி

Sign up to receive our newsletter in your inbox every day!

You May Like

More From This Category

More From this Author