Published : 03 Nov 2015 09:59 AM
Last Updated : 03 Nov 2015 09:59 AM
சென்னையைத் தலைமையிடமாகக் கொண்டு செயல்படும் இந்தியன் வங்கி செப்டம்பருடன் முடிவடைந்த காலாண்டில் ரூ. 369 கோடி லாபம் ஈட்டியுள்ளது. முந்தைய ஆண்டு இதே காலத்தில் வங்கி ஈட்டிய லாபத்தைக் காட்டிலும் 17.5 சதவீதம் அதிகமாகும். முந்தைய ஆண்டு வங்கியின் லாபம் ரூ. 314.33 கோடியாக இருந்தது.
ஏப்ரல் முதல் செப்டம்பர் வரையான முதல் அரையாண்டில் வங்கியின் லாபம் ரூ. 584.59 கோடியாகும். இது முந்தைய ஆண்டு ரூ.521.49 கோடியாக இருந்தது. இரண்டாம் காலாண்டில் வங்கியின் வருமானம் ரூ.4,340 கோடியிலிருந்து ரூ.4,578 கோடியாக அதிகரித்துள்ளது. அரையாண்டில் வருமானம் ரூ. 9,073 கோடியாகும். முந்தைய ஆண்டு இது ரூ. 8,484 கோடியாக இருந்தது.
வங்கியின் வாராக் கடன் 4.61 சதவீதமாக உள்ளது. முந்தைய ஆண்டு இதே காலத்தில் இது 4.21 சதவீதமாக இருந்தது. நிகர வாராக்கடன் 2.60 சதவீதமாக இருந்தது.
Sign up to receive our newsletter in your inbox every day!
WRITE A COMMENT