Published : 01 Feb 2019 14:08 pm

Updated : 01 Feb 2019 14:08 pm

 

Published : 01 Feb 2019 02:08 PM
Last Updated : 01 Feb 2019 02:08 PM

பட்ஜெட் 2019: மக்களை கவரும் முக்கிய அறிவிப்புகள் என்னென்ன?

2019

2019-20 நிதியாண்டுக்கான இடைக்கால பட்ஜெட்டை இடைக்கால நிதியமைச்சர் பியூஷ் கோயல் மக்களவையில் இன்று தாக்கல்செய்தார். இதில் வருமான வரி விலக்கு உச்ச வரம்பு ரூ. 5 லட்சமாக உயர்த்தப்பட்டுள்ளது. 2 வீடுகளுக்கு வீட்டுக்கடன் சலுகை என வருமான வரி தொடர்பாக பல்வேறு சலுகைகள் வழங்கப்பட்டுள்ளன. முக்கிய அறிவிப்புகள் வருமாறு:

1) தனிநபர் வருமான வரி விலக்கு உச்ச வரம்பு தற்போதுள்ள ரூ. 2.50 லட்சத்தில் இருந்து ரூ. 5 லட்சமாக உயர்த்தப்பட்டுள்ளது.

2) வருங்கால வைப்பு நிதி மற்றும் சில குறிப்பிட்ட பங்குச்சந்தையில் முதலீடு செய்பவர்கள் 6.5 லட்சம் வரை வருமான வரி செலுத்த தேவையில்லை.

3) நிரந்தர கழிவுத் தொகை ரூ. 40 ஆயிரத்தில் இருந்து ரூ. 50 ஆயிரமாக உயர்த்தப்பட்டுள்ளது.

4) 2.4 லட்சம் ரூபாய் வரையில் வீட்டு வாடகைக்கு வருமான வரி கிடையாது

5) வங்கி மற்றும் தபால் நிலையங்களில் செய்யப்படும் டெபாசிட்டுகளுக்கு தற்போது வழங்கப்படும் வருமான வரி விலக்கு ரூ. 10 ஆயிரத்தில் இருந்து ரூ. 50 ஆயிரமாக உயர்த்தப்படும்.

6) வருமான வரி செலுத்துவோருக்கு 24 மணிநேரத்தில் கணக்கு ஆய்வு செய்யப்பட்டு தொகை திருப்பிச் செலுத்தப்படும்

7) 2 ஹெக்டேர் வரை நிலம் வைத்திருக்கும் சிறு மற்றும் குறு விவசாயிகளுக்கு ஆண்டுக்கு 6 ஆயிரம் ரூபாய் வழங்கப்படும். இந்த தொகை 3 தவணையாக வங்கி கணக்கில் செலுத்தப்படும்.

8) அமைப்பு சாரா தொழிலாளர்களுக்கு மாதந்திர ஓய்வுதியம் ரூ. 3,000 வழங்கப்படும்

9) கிராஜூட்டி தொகை உச்சவரம்பு ரூ. 10 லட்சத்தில் இருந்து ரூ. 20 லட்சமாக உயர்த்தப்படும்.

10) ராணுவத்துக்கான ஒதுக்கீடு ரூ. 3 லட்சம் கோடியாக அதிகரிப்பு.

11) வீடு வாங்குபவர்களுக்கு ஜிஎஸ்டி வரி குறைக்கப்படும்.

மத்திய பட்ஜெட்வருமான வரி விலக்குமுக்கிய அறிவிப்புகள்#Budget2019 #BudgetSession2019

You May Like

More From This Category

More From this Author