Published : 15 Dec 2017 10:09 AM
Last Updated : 15 Dec 2017 10:09 AM
மொத்தவிலைக் குறியீடு அடிப்படையிலான பணவீக்கம் கடந்த நவம்பர் மாதத்தில் 3.93 சதவீதமாக அதிகரித்துள்ளது. வெங்காயம் விலை அதிகரித்தது, பருவ நிலை சார்ந்த காய்களின் விலை உயர்வு போன்ற காரணங்களால் பணவீக்கம் அதிகரித்துள்ளது.
கடந்த அக்டோபர் மாதத்தில் மொத்தவிலைக் குறியீடு அடிப்படையிலான பணவீக்கம் 3.59 சதவீதமாக இருந்தது. மேலும் கடந்த 2016-ம் ஆண்டு நவம்பர் மாதத்தில் 1.82 சதவீதமாக இருந்தது குறிப்பிடத்தக்கது. வெங்காயம் விலை கடந்த மாதத்தில் மட்டும் 178.19 சதவீதம் அதிகரித்திருப்பதே மொத்தவிலைக் குறியீடு அடிப்படையிலான பணவீக்கம் அதிகரித்ததற்கு காரணம் என்று கூறப்படுகிறது. அதுமட்டுமல்லாமல் பருவநிலை சார்ந்த காய்கறிகளின் விலை 59.80 சதவீதமாக அதிகரித்ததும் காரணமாகக் கூறப்படுகிறது.
Sign up to receive our newsletter in your inbox every day!
WRITE A COMMENT