அஸ்வினி, பரணி, கார்த்திகை; வார நட்சத்திர பலன்கள் - (நவம்பர் 1 முதல் 7ம் தேதி வரை)

- ‘சொல்வாக்கு ஜோதிடர்’ ஜெயம் சரவணன்

வாசகர்கள் அனைவருக்கும் இனிய தீபாவளி நல்வாழ்த்துகள். உங்கள் வாழ்வில் தீப ஒளியின் வெளிச்சம் பரவட்டும்.

அஸ்வினி -

நன்மைகள் அதிகமாக நடைபெறும் வாரம். குடும்பத்தில் இயல்பான சூழ்நிலை இருக்கும். சகோதரர்கள் உதவிகரமாக இருப்பார்கள். ஆரோக்கியத்தில் இருந்த பிரச்சினைகள் விலகும். அலுவலகப் பணிகளில் இயல்பான நிலை இருக்கும். பெரிய மாற்றங்கள் ஏதும் இருக்காது.
தொழில் மற்றும் வியாபாரத்தில் சராசரி வளர்ச்சி இருக்கும். புதிதாக தொழில் தொடங்குவதற்கான வாய்ப்புகள் ஒரு சிலருக்கு உண்டு. அது தொடர்பான சந்திப்புகள் ஆலோசனைகள் நடைபெறும். பெண்களுக்கு தங்கள் தேவைகள் அனைத்தும் பூர்த்தியாகும். சொத்து சேர்க்கை ஏற்படும் வாய்ப்பு உள்ளது. திருமண முயற்சிகள் கைகூடும். இதுவரை புத்திரபாக்கியம் இல்லாதவர்களுக்கு புத்திரபாக்கியம் உறுதியாகும். கலைத் துறையினருக்கு நல்ல வாய்ப்புகள் கிடைக்கும். நண்பர்கள் மூலமாக புதிய ஒப்பந்தங்கள் கிடைக்கும் வாய்ப்பு உள்ளது.

இந்த வாரம் -

திங்கள் -
எதிர்பார்த்த உதவிகள் அனைத்தும் தேடிவரும். நண்பர்களால் ஆதாயம் கிடைக்கப் பெறுவீர்கள். தொழில் வியாபாரத்தில் சீரான வளர்ச்சி உண்டாகும். குடும்ப பிரச்சினைகள் அனைத்தும் சுமுகமாக தீரும். பெண்களுக்கு சகோதர வழியில் உதவிகள் கிடைக்கும். உத்தியோகத்தில் எதிர்பார்த்த உதவிகளும் சலுகைகளும் கிடைக்கும்.

செவ்வாய் -
அதிக நன்மைகள் நடைபெறும் நாள். பணத்தேவைகள் உடனுக்குடன் பூர்த்தியாகும். பயணங்களால் ஆதாயம் ஏற்படும். வியாபார ஒப்பந்தங்கள் கிடைக்கும். நெருங்கிய நண்பர்களால் எதிர்பாராத நன்மைகள் நடக்கும்.

புதன் -
வியாபாரத்தில் நல்ல வளர்ச்சி உண்டாகும். லாபம் இரு மடங்காக இருக்கும். எதிர்பார்த்த வங்கிக் கடன் கிடைக்கும். சகோதர வகை உறவுகளால் உதவிகள் கிடைக்கும். இல்லத்தில் சுப காரிய பேச்சுவார்த்தைகள் நடக்கும்.

வியாழன் -
மகிழ்ச்சியான நாளாக இருக்கும். உறவினர்கள் வருகை ஏற்படும். நண்பர்களுடன் நேரத்தை செலவிடுவீர்கள். செலவுகள் அதிகமாக இருந்தாலும் மகிழ்ச்சிக்கு குறை இருக்காது.

வெள்ளி -
வியாபாரத்தில் எதிர்பார்த்த ஒப்பந்தங்கள் கிடைக்கும். புதிதாக தொழில் தொடங்கும் முயற்சியில் முன்னேற்றம் ஏற்படும். செய்தொழிலில் புதிய ஒப்பந்தங்கள் கிடைக்கும். தன வரவு திருப்திகரமாக இருக்கும். எடுத்துக்கொண்ட முயற்சிகள் அனைத்தும் வெற்றியாகும்.

சனி -
வேலை தேடிக் கொண்டிருப்பவர்களுக்கு நல்ல தகவல் கிடைக்கும். பயணங்களால் ஆதாயம் ஏற்படும். வியாபார நிமித்தமாக ஏற்படும் சந்திப்புகள் சாதகமாக இருக்கும். எதிர்பார்த்த பண உதவி கிடைக்கும். குடும்பத்தினார் ஒத்துழைப்பு கிடைக்கும்.

ஞாயிறு-
பணவரவு தாராளமாக இருக்கும். எதிர்பார்த்த உதவிகளும், எதிர்பாராத உதவிகளும் கிடைக்கும்.சுபகாரிய பேச்சுவார்த்தைகள் சுமுகமாக முடிவாகும்.

வணங்க வேண்டிய தெய்வம் -
ஸ்ரீ துர்கை அம்மன் வழிபாடு செய்யுங்கள். நன்மைகள் அதிகமாகும். தேவைகள் பூர்த்தியாகும், நினைத்தது நடக்கும்.
************

பரணி -

அதிக அளவிலான நன்மைகள் நடைபெறும். எடுத்துக் கொண்ட முயற்சிகள் அனைத்தும் வெற்றியாகும். குடும்பத்தில் அமைதி நிலவும். அத்தியாவசிய தேவைகள் அனைத்தும் உடனுக்குடன் பூர்த்தியாகும், சுபகாரிய பேச்சுவார்த்தைகள் மனதிற்கு திருப்தி தருவதாக இருக்கும். சகோதர சகோதரிகளின் ஆதரவு கிடைக்கும்.
உத்தியோகத்தில் பதவி உயர்வு கிடைக்கும் வாய்ப்பு உள்ளது. தொழிலில் அபரிமிதமான வளர்ச்சி காண்பார்கள். புதிய ஒப்பந்தங்கள் கிடைக்கப் பெறுவார்கள். வியாபார வளர்ச்சி அமோகமாக இருக்கும். வியாபாரத்திற்கு தேவையான அனைத்து உதவிகளும் கிடைக்கும். ஒருசிலருக்கு புதிய வியாபார வாய்ப்புகள் கிடைக்கும், லாபத்தை அதிகரிக்கும் முயற்சியில் ஈடுபடுவீர்கள். பெண்களுக்கு நற்பலன்கள் நடக்கும் வாரமாக இருக்கும். தேவைகள் உடனுக்குடன் பூர்த்தியாகும். மனக்குழப்பம் தந்து கொண்டிருந்த பிரச்சினை முடிவுக்கு வரும். மாணவர்களுக்கு கல்வியில் எதிர்பார்த்த அனைத்து உதவிகளும் கிடைக்கும். கலைஞர்களுக்கு புதிய வாய்ப்புகளும் ஒப்பந்தங்களும் ஏற்படும்.

இந்த வாரம் -

திங்கள் -
எதிர்பார்த்த உதவிகள் கிடைக்கும். வியாபாரத்தில் முன்னேற்றம் ஏற்படும்.வாரத்தில் வரவேண்டிய பணம் கிடைக்கும். தொழில் வளர்ச்சி சீராக இருக்கும். குடும்பத்தில் ஏற்பட்டிருந்த ஒரு சில பிரச்சினைகளும் இன்று முடிவுக்கு வரும்.

செவ்வாய் -
எதிர்பாராத உதவி கிடைக்கும் நாள். அலுவலகப் பணிகளில் திருப்தியான நிலை இருக்கும். சக ஊழியர்களின் ஒத்துழைப்பு கிடைக்கும்.
வியாபாரத்தில் புதிய முயற்சிக்கு ஆதரவு கிடைக்கும். தொழில் தொடர்பாக வேண்டிய உதவிகள் கிடைக்கும்.

புதன் -
நினைத்த காரியத்தை நினைத்தபடியே செய்து முடிப்பீர்கள். மன நிறைவு உண்டாகும் நாள். பணவரவு சரளமாக இருக்கும். எடுத்துக்கொண்ட முயற்சிகள் அனைத்தும் வெற்றிகரமாக முடியும். ஒப்பந்தங்கள் போடும் வாய்ப்பு உள்ளது.கமிஷன் வியாபாரத்தில் லாபம் கிடைக்கும்.

வியாழன் -
மகிழ்ச்சியான செலவுகள் ஏற்படும். குடும்பத்தினருடைய தேவைகள் அனைத்தையும் பூர்த்தி செய்துவிடுவீர்கள். குழந்தைகளுடன் நேரத்தை செலவிட்டு மகிழ்ச்சி அடைவீர்கள்.

வெள்ளி -
சிறப்பான நன்மைகள் நடக்கும் நாள். எதிர்பார்த்த உதவிகள் கிடைக்கும். தொழில் மற்றும் வியாபாரத்தில் எதிர்பார்த்த ஆதாயம் கிடைக்கும். குடும்பப் பிரச்சினையில் நண்பர்கள் மூலமாக உதவிகள் கிடைக்கப்பெற்று சமாதானம் ஆவீர்கள்.

சனி -
குடும்பத்தில் அமைதி நிலவும். குடும்பப் பிரச்சினைகள் முடிவுக்கு வரும். அலுவலகப் பணிகளில் திருப்தியான நிலை இருக்கும். தொழில், வியாபாரத்தில் சீரான வளர்ச்சி இருக்கும்.

ஞாயிறு -
தேவையான உதவிகள் அனைத்தும் கிடைக்கும். பணவரவு தாராளமாக இருக்கும். வியாபார ஒப்பந்தங்கள் ஏற்படும். குடும்பத்தில் சுபகாரிய பேச்சு வார்த்தைகள் நடக்கும். சொத்து சம்பந்தமான விஷயங்கள் பேசி தீர்க்கப்படும்.

வணங்க வேண்டிய தெய்வம் -
சக்தி வடிவான அம்மன் வழிபாடு செய்யுங்கள். நன்மைகள் அதிகமாகும். பிரச்சினைகள் தீரும்.
************

கார்த்திகை -

நல்ல வாய்ப்புகள் தேடி வரும் வாரம். முயற்சிகளில் முன்னேற்றம் ஏற்படும். ஆரோக்கியம் சிறப்பாக இருக்கும். தாய் தந்தையின் உடல்நலத்தில் நல்ல முன்னேற்றம் ஏற்படும். உறவினர்களின் உதவியோடு சொத்துக்கள் பிரச்சினை தீரும். ஒரு சிலருக்கு எதிர்பாராத பயணங்கள் ஏற்படும். உத்தியோகத்தில் இயல்பான நிலையே தொடரும். ஒரு சிலருக்கு அலுவலகத்தில் அதிகப்படியான பணிச்சுமை ஏற்படும். தொழிலில் புதிய ஒப்பந்தங்கள் கிடைக்கும். தொழில் முதலீடுகள் கிடைக்கப்பெறுவீர்கள். வியாபாரத்தில் லாபம் சீராக இருக்கும். பெண்கள் தங்கள் ஆரோக்கியத்தில் நல்ல முன்னேற்றம் காண்பார்கள். சகோதர வகையில் ஆதாயம் கிடைக்கும். சொத்து சம்பந்தமான பிரச்சினைகள் சுமூகமாக முடியும். திருமண முயற்சிகள் கைகூடும். குழந்தை பாக்கியம் இல்லாத பெண்களுக்கு இப்பொழுது குழந்தை பாக்கியம் கிடைக்கும். கலைஞர்களுக்கு ஒரு சில நல்ல வாய்ப்பு நண்பர்கள் மூலமாக கிடைக்கும்.

இந்த வாரம் -

திங்கள் -
எடுத்துக்கொண்ட வேலைகள் முடிக்க முடியாமல் தடுமாற்றம் ஏற்படும். வியாபாரத்தில் ஒரு விதமான சுணக்கமான நிலை ஏற்படும். எதிர்பார்த்த லாபம் குறையும்.

செவ்வாய் -
குடும்பத் தேவைகள் பூர்த்தியாகும். ஆரோக்கியத்தில் இருந்த பிரச்சினைகள் முற்றிலுமாக முடிவுக்கு வரும். அலுவலகத்தில் கூடுதல் பொறுப்புகள் கிடைக்கும். தொழில் மற்றும் வியாபாரத்தில் எதிர் பார்த்த ஆதாயம் உண்டாகும். வியாபாரம் தொடர்பான பயணங்கள் மேற்கொள்ள வேண்டியது வரும்.

புதன் -
தொழில் அல்லது வியாபாரம் தொடர்பான பேச்சுவார்த்தைகளில் முன்னேற்றம் ஏற்படும். எடுத்துக்கொண்ட முயற்சிகளில் வெற்றி கிடைக்கும். ஆதாயம் பெருகும். வியாபாரத்தில் லாபம் இருமடங்காக இருக்கும். ஒப்பந்தங்கள் மனநிறைவைத் தருவதாக இருக்கும்.

வியாழன் -
தீபாவளி திருநாளை மகிழ்ச்சியாக கொண்டாடுவீர்கள். நண்பர்கள் உற்றார் உறவினர் என அனைவரையும் மகிழ்ச்சி படுத்துவீர்கள்.

வெள்ளி -
திட்டமிட்ட படி பணவரவு தாராளமாக இருக்கும். எதிர்பார்த்த வங்கிக் கடன் கிடைக்கும். நீண்ட நாளாக வராமலிருந்த பணம் இப்பொழுது வசூலாகும். திருமண முயற்சிகள் முடிவாகும்.

சனி -
நிதானமான போக்கைக் கடைப்பிடிக்க வேண்டும். வீண் விவாதங்களில் ஈடுபடக்கூடாது. விலையுயர்ந்த பொருட்களை கையாளும்போது கவனமாக இருக்க வேண்டும். பணத்தைக் கையாளும்போது கவனம் தேவை.

ஞாயிறு -
சுப காரியங்கள் பற்றிய தகவல் மகிழ்ச்சி தருவதாக இருக்கும். நண்பர்களால் ஆதாயம் உண்டு. வியாபார ஒப்பந்தங்கள் ஏற்படும். எதிர்பார்த்த பணவரவு கிடைக்கும்.

வணங்க வேண்டிய தெய்வம் -
விநாயகர் வழிபாடு செய்யுங்கள். விநாயகர் அகவல் படியுங்கள். நன்மைகள் அதிகமாகும்.
*****************

ராசி பலன், ஜோதிடத்தில் குறிப்பிடப்படும் பலன்கள் அனைத்தும் ஜோதிடரின் கணிப்புகளே. அவை 'இந்து தமிழ் திசை'யின் கருத்துகள் அல்ல.

கருத்தைப் பதிவு செய்ய

லேட்டஸ்ட் அப்டேட்களுக்கு இந்து தமிழ்திசை வாட்ஸ்அப் சேனலை Follow செய்யுங்கள்...
Follow