Published : 07 Feb 2021 15:59 pm

Updated : 07 Feb 2021 16:01 pm

 

Published : 07 Feb 2021 03:59 PM
Last Updated : 07 Feb 2021 04:01 PM

ரோகிணி, மிருகசீரிடம், திருவாதிரை; வார நட்சத்திர பலன்கள்; பிப்ரவரி 8 முதல் 14ம் தேதி வரை

vaara-natchatira-palangal

- ‘சொல்வாக்கு ஜோதிடர்’ ஜெயம் சரவணன்

ரோகிணி -


முழு மூச்சாக செயல்பட்டு காரியங்களை சாதித்துக் கொள்ள வேண்டிய வாரம்.

தேவையான உதவிகள் தானாக தேடி வரும். பொருளாதாரப் பிரச்சினைகள் தீரும். பணவரவு எதிர்பார்த்தபடியே இருக்கும். குடும்பத் தேவைகள் பூர்த்தியாகும்.
திருமண வயதில் இருப்பவர்களுக்கு திருமணம் உறுதியாகும். நல்ல வேலை இல்லாமல் இருந்தவர்களுக்கு இப்போது நல்ல வேலை கிடைக்கும். அலுவலகப் பணியில் இருப்பவர்களுக்கு பதவி உயர்வு ஊதிய உயர்வு உள்ளிட்டவை கிடைக்கும் வாய்ப்பு உள்ளது.

இடமாற்றம் ஏற்படும் வாய்ப்பும் இருக்கிறது. தொழிலில் நல்ல வளர்ச்சி முன்னேற்றம் ஏற்படும். புதிய தொழில் வாய்ப்புகள் கிடைக்கும்.

வியாபாரிகள் தங்கள் வியாபாரத்தில் வளர்ச்சியும், லாபமும் கிடைக்கப்பெறுவார்கள். புதிய கிளைகள் தொடங்குவார்கள். பெண்கள் தங்களின் ஆரோக்கியத்தில் முன்னேற்றம் காண்பார்கள். குடும்பத்தில் ஏற்பட்ட கருத்து வேறுபாடுகள் மறையும்.

இதுவரை புத்திர பாக்கியம் இல்லாத தம்பதியருக்கு புத்திர பாக்கியமும் உண்டாகும். பணிபுரியும் பெண்களுக்கு அலுவலகத்தில் மதிப்பு மரியாதை உயரும். பதவி உயர்வு கிடைக்கும் வாய்ப்பு உள்ளது.

மாணவர்கள் கல்வியில் நல்ல முன்னேற்றம் காண்பார்கள். கலைஞர்களுக்கு நல்ல ஒப்பந்தங்கள் கிடைக்கும்.

இந்த வாரம் -

திங்கள்-
எதிர்பாராத செலவுகள் இருக்கும். வீண் அலைச்சல்கள் ஏற்படும். எதிர்பார்த்த பண உதவி தள்ளிப் போகலாம். வியாபாரத்தில் ஒரு சில தடைகளும், மந்தநிலையும் இருக்கும்.

செவ்வாய்-
பணவரவு எதிர்பார்த்தபடியே கிடைக்கும். வருமானம் இருமடங்காக இருக்கும். பணியில் கூடுதல் பொறுப்புகள் கிடைக்கும். வரவேண்டிய நிலுவைத் தொகை வரும். தற்போது செய்து வரும் வியாபாரத்தை விட்டுவிட்டு வேறு வியாபாரங்கள் செய்யும் எண்ணம் தோன்றும்.

புதன் -
குடும்பத்தில் சுப விசேஷங்கள் பற்றிய பேச்சுவார்த்தைகள் நடக்கும். குழந்தைகளின் கல்வியில் முன்னேற்றம் ஏற்படும். வியாபார விஷயங்கள் சாதகமாக இருக்கும். ஒரு சில எதிர்பார்ப்புகள் பூர்த்தியாகும். அலுவலகப் பணிகளில் மனநிறைவு ஏற்படும்.

வியாழன் -
எடுத்துக்கொண்ட முயற்சிகள் அனைத்தும் வெற்றியாகும். பணத்தேவைகள் பூர்த்தியாகும். வியாபார விஷயங்கள் சாதகமாக இருக்கும். பெண்களுக்கு குழந்தை பாக்கியம் பற்றிய தகவல் உறுதியாகி மகிழ்ச்சியைத் தரும். பூர்வீக சொத்து தொடர்பான விஷயங்களில் நல்ல முடிவு கிடைக்கும்.

வெள்ளி -
வேலை தொடர்பான விஷயங்களில் இருந்த நெருக்கடிகள் விலகும். நண்பர்களுடன் இணைந்து புதிய தொழில் தொடங்குவது பற்றி ஆலோசனை செய்வீர்கள். இல்லத்திற்குத் தேவையான அத்தியாவசியப் பொருட்களை வாங்குவீர்கள். திருமணம் தொடர்பான தகவல் உறுதியாகும், மன மகிழ்ச்சி தரக்கூடியதாக இருக்கும்.

சனி-
குடும்ப நலன் சார்ந்த சில முக்கிய முடிவுகள் எடுப்பீர்கள். அலுவலகத்தில் கூடுதல் பொறுப்புகள் கிடைக்கும். வியாபார விஷயங்கள் சாதகமாக இருக்கும். தொழில் தொடர்பாக பயணங்கள் ஏற்படும். முக்கிய நபர்களின் சந்திப்பு ஏற்படும் வாய்ப்பு உள்ளது.

ஞாயிறு -
பெரும் நன்மைகள் ஏற்படும் நாள். பணவரவுகள் தாராளமாக இருக்கும். எடுத்துக்கொண்ட வேலைகள் அனைத்தும் வெற்றிகரமாக முடியும். வியாபார பேச்சுவார்த்தைகள் சாதகமாக இருக்கும். வரவேண்டிய பாக்கிகள் வசூலாகும். தொழில் தொடர்பாக முக்கிய நபர்களின் சந்திப்பு நம்பிக்கை தருவதாக இருக்கும்.

வணங்க வேண்டிய தெய்வம் -
மகா விஷ்ணு வழிபாடு செய்து வாருங்கள். நன்மைகள் பெருகும்.
*****************

மிருகசீரிடம் -

எடுத்துக்கொண்ட முயற்சிகள் அனைத்தும் வெற்றியாகும் வாரம்.

தேவைகள் பூர்த்தியாகும். குடும்பத்தில் அமைதி நிலவும். குடும்பத் தேவைகள் பூர்த்தியாகும். புதிய பொருட்கள் வாங்கும் வாய்ப்பு உள்ளது.

அலுவலகத்தில் எதிர்பார்த்த பதவி உயர்வு, இடமாற்றம் கிடைக்கும்.ஒரு சிலருக்கு கூடுதல் பொறுப்புகள் கிடைக்கும். தொழிலில் எதிர்பார்த்த உதவிகள் கிடைக்கும். தொழிலில், அரசு உதவிகளும், கடன் உதவியும் கிடைக்கும். வியாபார வளர்ச்சி சீராகவும், சிறப்பாகவும் இருக்கும்.

புதிய வியாபார வாய்ப்புகள் தேடி வரும். தரகு மற்றும் கமிஷன் தொழில் செய்து கொண்டிருப்பவர்களும் வருமானம் இரட்டிப்பாகும்.

பெண்களுக்கு தந்தைவழி உறவுகளால் ஆதாயம் ஏற்படும். இதுவரை திருமணம் ஆகாதவர்களுக்கு திருமணம் உறுதி செய்யப்படும்.

மாணவர்களுக்கு கல்வியில் நல்ல முன்னேற்றம் ஏற்படும். கலைஞர்களுக்கு சிறப்பான வாய்ப்புகள் கிடைக்கும். எந்த வாய்ப்பையும் தவற விடக்கூடாது.

இந்த வாரம் -

திங்கள் -
முயற்சிகளில் முன்னேற்றம் ஏற்படும் நாள். தேவையான உதவிகள் கிடைக்கும். வியாபாரத்தில் ஆதாயம் இருக்கும். தொழில் தொடர்பான சந்திப்புகள் மனநிறைவைத் தரும்.

செவ்வாய் -
அலுவலகப் பணிகளில் இருந்த நெருக்கடிகள் விலகும். எடுக்கின்ற எந்த முயற்சியிலும் முன்னேற்றம் ஏற்படும். சொத்து சம்பந்தமான பிரச்சினைகள் முடிவுக்கு வரும். தொழில் மற்றும் வியாபாரத்தில் சிறப்பான முன்னேற்றம் இருக்கும்.

புதன் -
அலுவலகத்தில் சக ஊழியர்களுடன் ஏற்பட்ட கருத்து வேறுபாடுகள் நீங்கும். குடும்பத்திலிருந்த பிரச்சினைகள் அனைத்தும் முடிவுக்கு வரும். குழந்தைகளின் கல்வியில் முன்னேற்றம் ஏற்படுவதைக் கண்டு மகிழ்ச்சி அடைவீர்கள். மனைவியின் உடல் நலத்தில் முன்னேற்றம் ஏற்படும்.

வியாழன் -
வருமானம் திருப்திகரமாக இருக்கும். வியாபார வளர்ச்சி ஏற்படும். உறவுகளால் உதவிகள் கிடைக்கும். உடல் நலத்தில் முன்னேற்றம் ஏற்படும். பெண்களுக்குத் திருமணம் சம்பந்தப்பட்ட முயற்சிகள் சாதகமாக இருக்கும்.

வெள்ளி-
நீண்ட நாளாக எதிர்பார்த்துக் கொண்டிருந்த நல்ல தகவல் இன்று கிடைக்கும். புதிய வியாபார வாய்ப்புகள் கிடைக்கும். தற்போது இருக்கும் வியாபாரத்தை விரிவுபடுத்துவதற்கான முயற்சியில் இறங்குவீர்கள். தொழிலுக்குத் தேவையான உதவிகள் கிடைக்கும். குடும்பத் தேவைகள் அனைத்தும் பூர்த்தி செய்துவிடுவீர்கள். வீட்டுக்குத் தேவையான அத்தியாவசியமான பொருட்கள் வாங்குவதால் செலவுகள் ஏற்படும்.

சனி -
செயல்பாடுகளில் நிதானமாக இருக்க வேண்டும். அவசர முடிவுகள் எடுக்க வேண்டாம். செலவுகளைக் கட்டுப்படுத்த வேண்டும். வீண் வாக்குவாதங்கள் கூடாது.

ஞாயிறு -
நீண்ட நாளாக முடிக்க முடியாமல் இருந்த வேலைகள் அனைத்தும் செய்து முடிப்பீர்கள். வியாபார ஒப்பந்தங்கள் நிறைவேறும். எதிர்பார்த்த பணவரவு கிடைக்கும்.தொலைபேசி வழித் தகவல் மகிழ்ச்சி தரும். அயல்நாட்டில் வசிக்கும் நண்பர்களிடமிருந்து மகிழ்ச்சியான செய்தி கிடைக்கும்.

வணங்க வேண்டிய தெய்வம் -
ஸ்ரீ வேங்கடச பெருமாளை வணங்குங்கள். நன்மைகள் அதிகமாகும்.
*******************

திருவாதிரை -

தேவைகள் அனைத்தையும் பூர்த்தி செய்து கொள்ளும் வாரம்.

பணம் பல வழிகளிலும் வரும். எந்த முயற்சியிலும் ஆதாயம் கிடைப்பதாகவே இருக்கும். ஆரோக்கியப் பிரச்சினைகள் படிப்படியாகத் தீரும். தாயாரின் உடல்நலத்தில் நல்ல முன்னேற்றம் ஏற்படும். மருத்துவச் செலவு என்பதே இல்லாத நிலை உருவாகும்.

கணவன் மனைவிக்குள் ஏற்பட்டிருந்த கருத்துவேறுபாடுகள் அகலும். அலுவலகத்தில் உங்கள் வேலைகளை சிறப்பாக செய்துமுடித்து உயரதிகாரிகளிடம் நன்மதிப்பைப் பெறுவீர்கள். தொழிலில் புதிய ஒப்பந்தங்கள் கிடைக்கப் பெறுவீர்கள்.

தொழிலில் இருந்த தடைகள் தாமதங்கள் அகலும். முன்னேற்றம் ஏற்படும். வியாபாரிகள் புதிய கிளைகள் ஆரம்பிப்பார்கள். வியாபாரத்தை விரிவுபடுத்துவதற்கான உதவிகள் கிடைக்கும்.

பெண்கள் தாங்கள் எடுத்துக்கொண்ட முயற்சிகள் அனைத்திலும் வெற்றி காண்பார்கள். திருமண முயற்சிகள் கைகூடும். தந்தை வழி சொத்துகள் கிடைக்கும் வாய்ப்பு உண்டு.
கலைஞர்களுக்கு நல்ல வாய்ப்புகள் கிடைக்கும். சக நண்பர்களால் உதவிகள் கிடைக்கப் பெறுவீர்கள்.

இந்த வாரம் -

திங்கள் -
எடுத்துக்கொண்ட வேலைகள் அனைத்தும் எளிதாக செய்து முடிப்பீர்கள். பணவரவு தாராளமாக இருக்கும். வியாபார ஒப்பந்தங்கள் நிறைவேறும். அலுவலகப் பணி நிமித்தமாக பயணம் ஏற்படும்.

செவ்வாய் -
பணவரவு எதிர்பார்த்தபடியே இருக்கும். வியாபாரத்தில் அபாரமான வளர்ச்சி ஏற்படும். புதிய வியாபாரத் தொடர்புகள் கிடைக்கும். ஒப்பந்தங்கள் ஏற்படும். கலைத்துறையினருக்கு புதிய வாய்ப்புகள் கிடைக்கும்.

புதன் -
நிதானமாக செயல்பட வேண்டும். அவசர முடிவுகள் எடுக்க வேண்டாம். பராமரிப்புச் செலவுகள் அதிகமாக இருக்கும்.

வியாழன் -
தொழில் தொடர்பாக எதிர்பார்த்த வியாபார ஒப்பந்தங்கள் கிடைக்கும். வேலையில்லாதவர்களுக்கு வேலை பற்றிய தகவல் வந்து சேரும். எதிர்பாராத உதவிகளும், நன்மைகளும் கிடைக்கும்.

வெள்ளி -
பணவரவு தாராளமாக இருக்கும். தொழில் மற்றும் வியாபாரத்தில் எதிர்பார்த்த லாபம் கிடைக்கும். முக்கியமான ஒப்பந்தங்கள் குறித்த நல்ல தகவல் கிடைக்கும்.

சனி -
பயணங்களைத் தவிர்த்து விடுங்கள். கோபத்தை குறைத்துக் கொள்ள வேண்டும். உணர்ச்சிவசப்பட்டு எந்த முடிவுகளையும் எடுக்கக் கூடாது.வீண் செலவுகள், விரயங்கள் ஏற்படும் நாள்.

ஞாயிறு -
குடும்பத்தினர் தேவைகளைப் பூர்த்தி செய்து தருவீர்கள். வீட்டுக்குத் தேவையான அத்தியாவசியப் பொருட்களை வாங்குவீர்கள். நண்பர்களிடமிருந்து தேவையான உதவிகள் கிடைக்கும். வியாபாரத்தில் வரவேண்டிய பாக்கிகள் வசூலாகும். வியாபார நிமித்தமாக பேச்சுவார்த்தைகள் மனநிறைவை ஏற்படுத்தித் தரும்.

வணங்க வேண்டிய தெய்வம் -
ஸ்ரீ நடராஜப் பெருமானை வழிபாடு செய்வது நன்மைகளைத் தரும். முயற்சிகளில் வெற்றி கிடைக்கும்.
*******************

ராசி பலன், ஜோதிடத்தில் குறிப்பிடப்படும் பலன்கள் அனைத்தும் ஜோதிடரின் கணிப்புகளே. அவை 'இந்து தமிழ் திசை'யின் கருத்துகள் அல்ல.

தவறவிடாதீர்!



ரோகிணிமிருகசீரிடம்திருவாதிரைவார நட்சத்திர பலன்கள்சொல்வாக்கு ஜோதிடர் ஜெயம் சரவணன்RohiniMirugaseeridamThiruvathiraiVaara natchatira palangal மிருகசீரிடம் திருவாதிரை; வார நட்சத்திர பலன்கள்; பிப்ரவரி 8 முதல் 14ம் தேதி வரை

Sign up to receive our newsletter in your inbox every day!

More From This Category

More From this Author

x