வெனிசுலாவில் மிதமான  நிலநடுக்கம்

வெனிசுலாவில் இன்று மிதமான நிலநடுக்கம் ஏற்பட்டது. இந்த நிலநடுக்கம் ரிக்டர் அளவுகோலில் 5.6 ஆகப் பதிவாகியுள்ளது.

இதுகுறித்து அமெரிக்க நிலநடுக்கம் ஆய்வு மையம் தரப்பில், ''வெனிசுலாவில்  உள்ள சான் டியாகோ நகரிலிருந்து 4 கி.மீ. தொலைவில் உள்ள கேரபோவா பகுதியில் இன்று (வியாழக்கிழமை) மதியம் சுமார் 2 மணி 29 நிமிடத்தில்  நிலநடுக்கம் ஏற்பட்டது. இதன் ஆழம் 10 கிலோ மீட்டர் ஆகும். இந்த நிலநடுக்கம் ரிக்டர் அளவுகோலில் 5.6 ஆகப் பதிவாகியுள்ளது'' என்று தெரிவிக்கப்பட்டுள்ளது.

சுமார் 6 நொடிகளுக்கு இந்த நிலநடுக்கம் நீடித்ததாகவும் இதனால் வீடுகள் குலுங்கியதாகவும் இந்த நிலநடுக்கத்தை நேரில் உணர்ந்தவர்கள் தெரிவித்தனர்.

இந்த நிலநடுக்கத்தால் ஏற்பட்ட உடனடி பாதிப்புகள் குறித்த விவரம் இதுவரை வெளிவரவில்லை ஏன்று ஊடகங்கள் தரப்பில் தெரிவிக்கப்பட்டுள்ளது.