சின்னச் சின்ன மாற்றங்கள் - 19: பள்ளிக்குள்ளே ஒரு சிறார் இதழ்

ஆமா, நீங்க ஏன் உங்க பள்ளியில ஒரு சிறார் பத்திரிகை தொடங்கக் கூடாது? இதோ இந்து தமிழ் நாளிதழின் ‘வெற்றிக்கொடி’ பள்ளி நாளிதழ் வருகிறதல்லவா அதேபோல ஒன்றினை ஏன் முயலக் கூடாது? உங்களுடைய படைப்பாற்றலையும் ஒருங்கிணைப்பு திறனையும் சிறப்பாக வெளிக்கொண்டு வரும். சிறார் இதழா நாங்க எங்கிருந்து ஆரம்பிக்கிறது? அவ்ளோ நேரம் எங்களுக்கு இருக்குமா? எங்களால அச்சிட முடியுமா? அந்த கவலையெல்லாம் வேண்டாம்.

முதல்ல, ஒரு ஆசிரியர் குழுவைப்போடுங்க. இவங்கதான் இந்த ஒட்டுமொத்தச் செயல்பாட்டினையும் ஒருங்கிணைப்பார்கள். இந்த குழு கூடி, எந்த மாதிரியான இதழ், எவ்வளவு பக்கங்கள், கையெழுத்துப் பிரதியா? டைப்செட் கொடுத்து எடுத்து வரலாமா? செலவு என்ன ஆகும்? ஆசிரியர்கள் உதவி எங்கு எங்கு தேவையென்று பட்டியலிடுங்கள். இந்த பயிற்சியே செம அனுபவமாக இருக்கும்.