ஆன்லைன் சேவைகள் இன்று செயல்படாது : பாரத ஸ்டேட் வங்கி அறிவிப்பு

பாரத ஸ்டேட் வங்கி வெளியிட்ட அறிவிப்பில் கூறியிருப்பதாவது:

பாரத ஸ்டேட் வங்கி, தனது வாடிக்கையாளர்களுக்கு ஆன்லைன் சேவையை வழங்கி வருகிறது. இந்நிலையில், வாடிக்கையாளர்களுக்கு மேலும் உயர் தரத்தினாலான ஆன்லைன் வங்கி சேவையை வழங்க தீர்மானிக்கப்பட்டுள்ளது. இதற்காக, வங்கியின் ஆன்லைன் தளத்தை மேம்படுத்தும் பணி இன்று (17-ம் தேதி) நடைபெறுகிறது.

இதனால், நண்பகல் 12:30 மணி முதல், பிற்பகல் 2:30 மணி வரை, இன்டர்நெட் வங்கி, யோனோ செயலி, யோனோ லைட், யுபிஐ போன்ற ஆன்லைன் சேவைகள் செயல்படாது. எனவே, அந்த சமயத்தில் ஆன்லைன் சேவை பயன்படுத்துவதை தவிர்க்குமாறு கேட்டுக் கொள்ளப்படுகிறார்கள். இதற்கு வாடிக்கையாளர்கள் ஒத்துழைப்பு வழங்க வேண்டும்.

இவ்வாறு அதில் கூறப்பட்டுள்ளது.