அறிவியல் மேஜிக்: நெருப்பு இல்லாமல் எரியும் காகிதம்

நெருப்பு இல்லாமல் ஒரு காகிதத்தை உங்களால் எரிய வைக்க முடியாதா? முடியும். ஒரு சோதனை செய்து பார்த்துவிடுவோமா? (பெரியவர்கள் உதவியுடன் மட்டுமே இதைச் செய்ய வேண்டும்.)

என்னென்ன தேவை?

லென்ஸ் (பூதக்கண்ணாடி), காகிதம், தீக்குச்சி

எப்படிச் செய்வது?

# சூரிய வெளிச்சத்தில் ஒரு காகிதத்தை விரித்து வையுங்கள். அதன் மீது சூரிய ஒளி படுமாறு லென்ஸைப் பிடித்துக்கொள்ளுங்கள்.

# லென்ஸ் வழியே சூரியக் ஒளி ஒரு புள்ளியில் குவியும்.

# சிறிது நேரத்தில் காகிதத்திலிருந்து புகை வெளிவரத் தொடங்கும்.

# அடுத்து, அந்தக் காகிதத்தின் மீது தீக் குச்சியை எடுத்து வையுங்கள். இப்போது தீக்குச்சியின் மீது லென்ஸ் மூலம் சூரியக் கதிர்களைக் குவியுங்கள்.

# சிறிது நேரத்தில் தீக்குச்சி தானாக எரியும்.

காரணம்:

லென்ஸ்  ஒளிக்கற்றைகளை ஒரு புள்ளியில் குவிக்கப் பயன்படுகிறது. சூரியக் கதிர்கள் ஒன்றாகக் குவியும் போது காகிதத்திலும் தீக்குச்சியிலும் வெப்பம் அதிகரித்து நெருப்பை உண்டாக்கிவிடுகிறது.

பயன்பாடு:

சூரிய ஆற்றலைப் பயன்படுத்தி சூரிய மின்சக்தியை உருவாக்கும் தகடுகளில் இந்த நுட்பமே பயன்படுத்தப்படுகிறது.ஓவியம்: வாசன்