கேரளாவில் முதல் நாளில் 309 திரையரங்குகளில், 1650 காட்சிகள் திரையிடப்பட்டு 'விவேகம்' திரைப்படம் சாதனை புரிந்துள்ளது.
சிவா இயக்கத்தில் அஜித் நடித்திருக்கும் 'விவேகம்' பெரும் எதிர்பார்ப்புக்கு இடையே இன்று(ஆகஸ்ட் 24) வெளியானது. அதிகாலை காட்சியிலிருந்தே தமிழக திரையரங்குகளில் அஜித் ரசிகர்களின் கூட்டம் அலைமோதி வருகிறது.
தமிழகத்தில் மட்டுமன்றி ஆந்திரா, கேரளா மற்றும் கர்நாடகா ஆகிய இடங்களிலும் விவேகம் இன்று வெளியாகியுள்ளது. பெரும் விலை கொடுத்து உரிமையைக் கைப்பற்றியுள்ளதால், அதிகமான திரையரங்குகளில் இப்படத்தை வெளியிடும் முயற்சியை விநியோகஸ்தர்கள் மேற்கொண்டார்கள்.
இதில் கேரளாவில் முதல் நாளில் மட்டும் சுமார் 309 திரையரங்குகளில் சுமார் 1650 காட்சிகள் திரையிடப்பட்டுள்ளது. 'பாகுபலி' படத்தைத் தொடர்ந்து கேரளாவில் அதிக திரையரங்குகள் மற்றும் அதிக காட்சிகள் திரையிடப்படும் படம் என்ற சாதனையை நிகழ்த்தியுள்ளது 'விவேகம்'.
காஜல் அகர்வால், விவேக் ஓபராய், கருணாகரன், அக்ஷரா ஹாசன் உள்ளிட்ட பலர் அஜித்துடன் நடித்திருக்கிறார்கள். அனிருத் இசையமைத்துள்ள இப்படத்துக்கு வெற்றி ஒளிப்பதிவு செய்துள்ளார். சத்யஜோதி நிறுவனம் பெரும் பொருட்செலவில் தயாரித்துள்ளது.
முக்கிய செய்திகள்
ஜோதிடம்
2 hours ago
ஜோதிடம்
2 hours ago
இந்தியா
6 hours ago
விளையாட்டு
8 hours ago
க்ரைம்
9 hours ago
உலகம்
10 hours ago
விளையாட்டு
10 hours ago
வேலை வாய்ப்பு
10 hours ago
தமிழகம்
11 hours ago
தமிழகம்
11 hours ago
விளையாட்டு
11 hours ago
கல்வி
11 hours ago