இந்தநாள் உங்களுக்கு எப்படி? 12 ராசிகளுக்கும் உரிய பலன்கள்

மேஷம்: எதிர்பார்ப்புகள் நிறைவேறும். வெளிவட்டாரத்தில் உங்களின் செல்வாக்கு உயரும். புதிய பொறுப்புகள் தேடி வரும். வீடு, மனை வாங்குவது, விற்பது லாபகரமாக அமையும்.

ரிஷபம்: கடந்தகால இனிய சம்பவங்கள் அவ்வப்போது மனதில் நிழலாடும். உறவினர்கள், நண்பர்கள் ஆதரவாகப் பேசத் தொடங்குவார்கள். சுற்றியிருப்பவர்களின் சுயரூபம் தெரிய வரும்.

மிதுனம்: குடும்பத்தில் கலகலப்பான சூழல் உருவாகும். பாதியில் நின்ற வேலைகள் திடீரென முடியும். புதியவர்கள் நண்பர்களாவார்கள். அடுத்தவர் விவகாரங்களில் தலையிட வேண்டாம்.

கடகம்: சிலரின் விமர்சனங்களுக்கும், கேலி பேச்சுக்கும் ஆளாகக் கூடும். பிள்ளைகளிடம் கோபத்தைக் காட்ட வேண்டாம். பண விஷயத்தில் சாதுர்யமாகப் பேசி சமாளிப்பீர்கள்.

சிம்மம்: பிள்ளைகள் குடும்ப சூழ்நிலை அறிந்து பொறுப்புடன் நடந்து கொள்வார்கள். உறவினர்களால் சில காரியங்கள் நிறைவேறும். விலை உயர்ந்த மின்சாதனங்கள் வாங்குவீர்கள்.

கன்னி: குடும்பத்தினரின் உணர்வுகளைப் புரிந்து கொண்டு அதற்கேற்ப உங்களை மாற்றிக் கொள்வீர்கள். அதிகாரப் பதவியில் இருப்பவர்களின் நட்பு கிடைக்கும். கலைப்பொருட்கள் சேரும்.

துலாம்: மற்றவர்களை நம்பி எந்த வேலையையும் ஒப்படைக்கக் கூடாது என்று முடிவெடுப்பீர்கள். உறவினர்களில் உண்மையானவர்களை கண்டறிவீர்கள். வாகனம் செலவு வைக்கும்.

விருச்சிகம்: திட்டமிட்ட காரியங்களை சிறப்பாக முடிப்பீர்கள். தாய்வழி உறவினர்களால் அலைச்சல் ஏற்படும். வீடு, வாகனப் பராமரிப்புச் செலவுகள் எதிர்பார்த்ததைவிட அதிகரிக்கும்.

தனுசு: துணிச்சலாக சில முக்கிய முடிவுகள் எடுப்பீர்கள். உடன்பிறந்தவர்கள் உறுதுணையாக இருப்பார்கள். மனைவிவழியில் அந்தஸ்து உயரும். மனதுக்கு மகிழ்ச்சியளிக்கும் செய்தி வரும்.

மகரம்: கணவன் - மனைவிக்குள் அன்யோன்யம் அதிகரிக்கும். கடன் தொகையை போராடி வசூலிப்பீர்கள். பழைய பிரச்சினைகளுக்கு மாறுபட்ட அணுகுமுறையால் தீர்வு காண்பீர்கள்.

கும்பம்: வெளுத்ததெல்லாம் பாலாக நினைத்து பேசி ஏமாந்து விடாதீர்கள். உறவினர், நண்பர்களால் செலவினம் அதிகரிக்கும். யாருக்கும் உத்தரவாதமோ, உறுதிமொழியோ தரவேண்டாம்.

மீனம்: கணவன் - மனைவிக்குள் கருத்துவேறுபாடு வந்து நீங்கும். யாரையும் மனம்நோகும்படி எடுத்தெறிந்து பேசாதீர்கள். குடும்பத்தில் உள்ளவர்களை அனுசரித்து போவது நல்லது.