Published : 28 Dec 2020 16:41 pm

Updated : 28 Dec 2020 16:41 pm

 

Published : 28 Dec 2020 04:41 PM
Last Updated : 28 Dec 2020 04:41 PM

பிரேசிலில் கரோனா பாதிப்பு 74,84,285 ஆக அதிகரிப்பு

brazil-corona-update

பிரேசிலில் அதிகபட்சமாக ஒரே நாளில் 18,479 பேருக்கு கரோனா தொற்று உறுதிப்படுத்தப்பட்டுள்ளது.

இதுகுறித்து பிரேசில் சுகாதாரத் துறை தரப்பில், “நாட்டில் கடந்த 24 மணி நேரத்தில் 18,479 பேருக்கு கரோனா தொற்று உறுதிப்படுத்தப்பட்டுள்ளது. கடந்த சில நாட்களில் ஏற்பட்ட அதிகபட்ச தொற்று இதுவாகும். பிரேசிலில் இதுவரை 74,84,285 பேர் கரோனாவால் பாதிக்கப்பட்டுள்ளனர்” என்று தெரிவிக்கப்பட்டுள்ளது.


மேலும் பிரேசிலின் முக்கிய நகரங்களில் புத்தாண்டை ஒட்டி கூட்டத்தைக் கட்டுப்படுத்துவதற்கான சிறப்பு நடவடிக்கைகளில் அரசு இறங்கியுள்ளது.

பிரேசிலில் பிப்ரவரி மாதம் முதல் கரோனா தொற்றுப் பரவத் தொடங்கியது. இதனைத் தொடர்ந்து அங்கு கரோனா கட்டுப்பாடுகள் அதிகரிக்கப்பட்டன.

தென் அமெரிக்க நாடுகளில் பிரேசிலும், அர்ஜென்டினாவும் கரோனா வைரஸ் பரவலால் கடுமையான பாதிப்பைச் சந்தித்துள்ளன என்றும், தென் அமெரிக்காவின் கரோனா மையமாக பிரேசில் இருப்பதாகவும் உலக சுகாதார அமைப்பு முன்னரே தெரிவித்திருந்தது.

உலகையே அச்சுறுத்தி வரும் கரோனா வைரஸால் இதுவரை உலக அளவில் 8 கோடிக்கும் அதிகமானவர்கள் பாதிக்கப்பட்டுள்ளனர். 17 லட்சத்துக்கும் அதிகமானவர்கள் பலியாகி உள்ளனர்

தவறவிடாதீர்!



BrazilCoronaCorona virusAmericaOne minute newsபிரேசில்கரோனாகரோனா வைரஸ்கட்டுப்பாடுகள்

Sign up to receive our newsletter in your inbox every day!

You May Like

More From This Category

More From this Author

x