Published : 20 Nov 2020 15:59 pm

Updated : 20 Nov 2020 15:59 pm

 

Published : 20 Nov 2020 03:59 PM
Last Updated : 20 Nov 2020 03:59 PM

ஜெர்மனியில் இருவாரங்களாக கரோனா தொற்று அதிகரிப்பு

germany-corona-update

ஜெர்மனியில் கடந்த 24 மணி நேரத்தில் 22,609 பேருக்கு கரோனா தொற்று உறுதிப்படுத்தப்பட்டுள்ளது.

இதுகுறித்து ஜெர்மனி சுகாதார மையம் தரப்பில், “ ஜெர்மனியில் கடந்த 24 மணி நேரத்தில் 22,609 பேருக்கு கரோனா தொற்று உறுதிப்படுத்தப்பட்டுள்ளது. ஜெர்மனியில் இதுவரை 8,55,916 பேர் கரோனா தொற்றால் பாதிக்கப்பட்டுள்ளனர்.


ஜெர்மனியில் கடந்த இரு வாரங்களாக கரோனா தொற்று அதிகரித்து வருகிறது. மேலும் அவசரப் பிரிவுகளில் அனுமதிக்கப்படுபவர்களின் எண்ணிக்கையும் அதிகரித்து வருகிறது” என்று தெரிவித்துள்ளார்.

ஜெர்மனியில் 13,370 பேர் கரோனாவுக்கு பலியாகி உள்ளனர். வரும் வாரங்களில் கரோனா பரவல் அதிகமாக இருக்கும் என்றும், முன்னெச்சரிக்கை நடவடிக்கைகளில் அரசு தீவிரமாக இருக்க வேண்டும் என்றும் ஜெர்மனி மருத்துவ நிபுணர்கள் முன்னரே எச்சரிக்கை விடுத்துள்ளனர்.

உலகையே அச்சுறுத்திவரும் கரோனா வைரஸால் இதுவரை உலக அளவில் 5 கோடிக்கும் அதிகமானவர்கள் பாதிக்கப்பட்டுள்ளனர். கரோனாவுக்குத் தடுப்பு மருந்து கண்டுபிடிக்கும் பணியில் பல்வேறு நிறுவனங்கள் ஈடுபட்டுள்ளன. தடுப்பு மருந்துகளும் பல்வேறு சோதனைக் கட்டங்களில் இருக்கின்றன.

ஆனால், கரோனா லாக்டவுனால் பல நாடுகள் பொருளாதாரச் சீரழிவையும், பாதிப்பையும் தாங்க முடியாமல் கட்டுப்பாடுகளைத் தளர்த்தி, முன்னெச்சரிக்கை நடவடிக்கையுடன் இயல்பு வாழ்க்கைக்கு அனுமதித்து வருகின்றன. பெரும்பாலான நாடுகளில் மக்கள் இயல்பு வாழ்க்கைக்குத் திரும்பிவிட்டனர். இந்த நிலையில் ஐரோப்பிய நாடுகளில் கரோனா மீண்டும் பரவத் தொடங்கியுள்ளது.

தவறவிடாதீர்!

GermanyCoronaCorona virusஜெர்மனிஜெர்மனி கரோனா வைரஸ்கரோனா நோய் தொற்றுஅவசர சிகிச்சைகள்

Sign up to receive our newsletter in your inbox every day!

You May Like

More From This Category

More From this Author

x