Published : 04 Jun 2020 20:08 pm

Updated : 04 Jun 2020 20:08 pm

 

Published : 04 Jun 2020 08:08 PM
Last Updated : 04 Jun 2020 08:08 PM

ஈரானில் இன்று ஒரே நாளில் 3,574 பேருக்கு கரோனா

iran-reports-3-574-new-coronavirus-infections-its-highest-yet

தெஹ்ரான்

ஈரானில் இன்று ஒரே நாளில் 3,574 பேருக்கு கரோனா தொற்று உறுதியாகியுள்ளது. இதுவரையில் ஒரே நாளில் உறுதி செய்யப்பட்ட எண்ணிக்கையில் இதுவே அதிகபட்சம்.

ஈரானில் முதல் கரோனா தொற்று கடந்த பிப்ரவரி மாதத்தில் உறுதி செய்யப்பட்டது. மார்ச் மாதத்தில் கரோனா பரவல் உச்சம் அடைந்தது. அதே காலகட்டத்தில் கடும் பாதிப்பை எதிர்கொண்ட ஸ்பெயின், இத்தாலி ஆகிய நாடுகளில் தொற்று எண்ணிக்கை தற்போது குறைந்துள்ளது. ஆனால் ஈரானில் தொற்று அதிகரித்து வருகிறது.

ஈரானில் கடந்த மார்ச் 30-ம் தேதி 3,186 பேருக்கு தொற்று உறுதி செய்யப்பட்டது. இந்நிலையில் இன்று ஒரே நாளில் அதிகபட்ச அளவாக 3,574 பேருக்கு தொற்று உறுதியாகியுள்ளது. கடந்த நான்கு தினங்களாக தொற்று எண்ணிக்கை 3,000க்கும் மேலாகப் பதிவாகியுள்ளது.

இந்நிலையில் இதுகுறித்து ஈரானின் சுகாதாரத் துறை அமைச்சகத்தின் செய்தித் தொடர்பாளர் கியானூஷ் ஜஹான்பூர் கூறும்போது, ''தற்போது கரோனா பரிசோதனை அதிக எண்ணிக்கையில் மேற்கொள்ளப்படுகிறது. அதன் காரணமாகவே தொற்று எண்ணிக்கை அதிகரிக்கிறதே தவிர இரண்டாம் கட்டப் பரவலின் காரணமாக அல்ல'' என்று தெரிவித்துள்ளார்.

கடந்த 24 மணிநேரத்தில் அங்கு 59 பேர் கரோனாவுக்குப் பலியாகியுள்ள நிலையில் கரோனா பலி எண்ணிக்கை 8,071 ஆக உயர்ந்துள்ளது.

8.18 கோடி மக்கள்தொகை கொண்ட ஈரானில் இதுவரையில் 1,64,270 பேருக்கு கரோனா தொற்று உறுதி செய்யப்பட்டுள்ளது.

அன்பு வாசகர்களே....


இந்த ஊரடங்கு காலத்தில் வீட்டை விட்டு வெளியே வராமல் நமக்கு நாமே சமூக விலகல் ( Social Distancing) செய்து கொள்வோம். செய்தி ஊடகங்களின் வழியே உலகுடன் தொடர்பில் இருப்போம். பொதுவெளியில் இருந்து தனிமைப்படுத்திக் கொண்டு கரோனா பரவலைத் தடுப்பதில் நம் பங்கை முழுமையாக இந்த சமூகத்துக்கு அளிப்போம்.


CoVid-19 கரோனா தடுப்பு / விழிப்புணர்வு கையேடு - இலவசமாக டவுன்லோடு செய்து பயன்பெறுங்கள்!


- வாசகர்கள் நலனில் அக்கறையுடன் இந்து தமிழ் திசை

தவறவிடாதீர்!

Iran reports 3574 new coronavirus infectionsIts highest yetIranஈரான்கரோனா வைரஸ்கரோனா தொற்றுOne minute newsCorona world

Sign up to receive our newsletter in your inbox every day!

You May Like

More From This Category

More From this Author