Published : 07 Apr 2020 15:22 pm

Updated : 07 Apr 2020 15:22 pm

 

Published : 07 Apr 2020 03:22 PM
Last Updated : 07 Apr 2020 03:22 PM

ஜப்பானில் அதிகரிக்கும் கரோனா பாதிப்பு: டோக்கியோ உள்ளிட்ட நகரங்களில் அவசரநிலை பிரகடனம்

japan-to-declare-state-of-emergency-for-about-a-month-shinzo-abe

டோக்கியோ

ஜப்பானில் கரோனா வைரஸ் பாதிப்பு அதிகரித்து வரும் நிலையில் டோக்கியோ, ஒசாக உள்ளிட்ட முக்கிய நகரங்களில் இன்று முதல் ஒரு மாத காலத்திற்கு அவசர நிலை அறிவிக்கப்பட்டுள்ளது.

சீனாவின் ஹூபெய் மாகாணம் வூஹான் நகரில் உருவான கோவிட்-19 வைரஸ், 190-க்கும் மேற்பட்ட நாடுகளுக்குப் பரவியுள்ளது. சீனாவை விடவும், இத்தாலி, ஸ்பெயின், அமெரிக்கா, ஈரான், பிரான்ஸ், ஜெர்மனி, ஸ்விட்சர்லாந்து ஆகிய நாடுகளில் கரோனா வைரஸ் பாதிப்பு அதிகமாக உள்ளது.

கரோனா வைரஸ் தொற்று குறைவாக உள்ளபோதிலும் வேகமாக பரவி வரும் நாடுகளில் ஜப்பானும் ஒன்று. இதனால் கரோனா வைரஸ் தொற்றால் அதிகம் பாதிப்பை அடைந்துள்ள அமெரிக்கா உள்ளிட்ட 73 நாடுகளைச் சேர்ந்தவர்கள் ஜப்பான் வருவதற்கு அந்நாட்டு அரசு ஏற்கெனவே தடை விதித்துள்ளது.

கரோனா வைரஸ் தொற்று காரணமாக ஒரு வருடத்துக்கு ஒலிம்பிக் போட்டி தள்ளி வைக்கப்பட்டுள்ளது. டோக்கியோ ஒலிம்பிக் போட்டிக்காக ஜப்பான் 12.6 பில்லியன் டாலர்கள் செலவு செய்திருந்தது.

ஜப்பானில் கரோனா வைரஸுக்கு இதுவரை 3902 பேர் பாதிக்கப்பட்டுள்ளனர். 92 பேர் பலியாகியுள்ளனர். குறிப்பாக தலைநகர் டோக்கியோவில் 1000 பேருக்கும் அதிகமாக கரோனா பாதிப்பு ஏற்பட்டுள்ளது.

இதையடுத்து கரோனா வைரஸ் பாதிப்பு அதிகரித்து வரும் நிலையில் டோக்கியோ, ஒசாகா உட்பட 5 முக்கிய நகரங்களில் அவசர நிலையை பிரகடனம் செய்து அந்நாட்டின் பிரதமர் ஷின்சோ அபே அறிவித்துள்ளார்.

அன்பு வாசகர்களே....


இந்த ஊரடங்கு காலத்தில் வீட்டை விட்டு வெளியே வராமல் நமக்கு நாமே சமூக விலகல் ( Social Distancing) செய்து கொள்வோம். செய்தி ஊடகங்களின் வழியே உலகுடன் தொடர்பில் இருப்போம். பொதுவெளியில் இருந்து தனிமைப்படுத்திக் கொண்டு கரோனா பரவலைத் தடுப்பதில் நம் பங்கை முழுமையாக இந்த சமூகத்துக்கு அளிப்போம்.


CoVid-19 கரோனா தடுப்பு / விழிப்புணர்வு கையேடு - இலவசமாக டவுன்லோடு செய்து பயன்பெறுங்கள்!


- வாசகர்கள் நலனில் அக்கறையுடன் இந்து தமிழ் திசை

தவறவிடாதீர்!

Japan-to-declare-state-of-emergency-for-about-a-month-shinzo-abeஜப்பானில் அதிகரிக்கும் கரோனா பாதிப்புடோக்கியோ உள்ளிட்ட நகரங்களில் அவசரநிலை

Sign up to receive our newsletter in your inbox every day!

You May Like

More From This Category

More From this Author