சீனாவில் ரூ.960 கோடியில் விண்கல கட்டிடம்: அமெரிக்காவின் `ஸ்டார் ட்ரெக் ரசிகரின் கை வண்ணம்

சீனாவில் `ஸ்டார் ட்ரெக்' எனும் அமெரிக்க அறிவியல் புனைகதை தொலைக்காட்சித் தொடரில் வரும் விண்கலம் போன்ற கட்டிடம் ஒன்றை அந்நாட்டு ரசிகர் ஒருவர் கட்டியுள்ளார்.

அமெரிக்காவில் `ஸ்டார் ட்ரெக்' எனும் விண்வெளி புனைகதை தொலைக்காட்சித் தொடர் மக்கள் இடையே பெரும் வரவேற்பைப் பெற்றுள்ளது. அந்தத் தொடரில் பல்வேறு விதமான விண்கலங் கள் பயன்படுத்தப்பட்டிருக்கும்.

சீனாவில் வாழ்ந்து வரும் லீ டிஜியன் தீவிர `ஸ்டார் ட்ரெக்' தொடரின் ரசிகர் ஆவார். `நெட் டிராகன் வெப் சாஃப்ட்' எனும் மொபைல் ஆப் டெவலப்பர் நிறுவனத்தின் தலைவராக இருக்கும் இவர், மேற்கண்ட தொடரில் இடம்பிடித்த `என்டர்பிரைஸ்' விண்கலம் போன்ற வடிவமைப்பில் தனது அலுவலகத்தைக் கட்டி முடித்துள்ளார்.

சீனாவின் ஃபுசோ நகரத்தில் உள்ள இந்தக் கட்டிடம், வட்டம் மற்றும் குழாய் வடிவங்களாகக் கட்டப்பட்டுள்ளது. இந்தக் கட்டிடத்தைக் கட்டி முடிப்பதற்கு சுமார் ரூ.960 கோடி செலவானதாகக் கூறப்படுகிறது.