இந்தியா மீது பாக். பிரதமர் புது குற்றச்சாட்டு

பாகிஸ்தான் பிரதமர் நவாஸ் ஷெரீப் 3 நாள் பயணமாக மாலத்தீவுகளுக்கு சென்றுள்ளார். தலைநகர் மாலியில் அந்நாட்டு அதிபர் அப்துல்லா யாமீன் அப்துல் கயூமை நவாஸ் சந்தித்துப் பேசினார். பின்னர் இருவரும் கூட்டாக செய்தியாளர்களுக்கு பேட்டி அளித்தனர்.

அப்போது நவாஸ் ஷெரீப் கூறும்போது, “சார்க் அமைப்பின் 19-வது மாநாடு இஸ்லாமாபாத்தில் கடந்த ஆண்டு நவம்பர் 15, 16 தேதிகளில் நடைபெற இருந்தது. ஆனால் இந்தியா புறக்கணிப்பதாக அறிவித்ததால் மாநாடு ரத்து செய்யப்பட்டது. இதன் மூலம் சார்க் அமைப்பை சீர்குலைக்க இந்தியா முயற்சிக்கிறது” என்றார்.