Published : 26 Jan 2021 03:17 am

Updated : 26 Jan 2021 07:10 am

 

Published : 26 Jan 2021 03:17 AM
Last Updated : 26 Jan 2021 07:10 AM

10, 12-ம் வகுப்புகளை தொடர்ந்து 9-ம் வகுப்புக்கும் பாடத் திட்டம் குறைப்பு

syllabus-reduced

சென்னை

தமிழகத்தில் 10, 12-ம் வகுப்புகளைதொடர்ந்து 9-ம் வகுப்புக்கும் பாடத் திட்டம் குறைக்கப்பட்டுள்ளது.

கரோனா பரவல் தடுப்பு நடவடிக்கையாக தமிழகத்தில் பள்ளிகள் கடந்த மார்ச் மாதம் முதல்மூடப்பட்டன. பள்ளிகள் திறக்கப்படாத சூழலில், 2020-21-ம் கல்வி ஆண்டில் 60 சதவீத அளவுக்கு வேலை நாட்கள் முடிந்துவிட்டன. எஞ்சியுள்ள குறைந்த நாட்களில் அனைத்து பாடங்களையும் நடத்தி முடிப்பது சாத்தியம் அல்ல.


இதைக் கருத்தில் கொண்டு பொதுத் தேர்வு எழுதும் 10, 12-ம்வகுப்பு மாணவர்களுக்கு பாடத்திட்டம் 40 சதவீத அளவுக்கு குறைக்கப்பட்டுள்ளது. அவர்களுக்கு மட்டும் கடந்த 19-ம் தேதி முதல் பள்ளிகள் திறக்கப்பட்டு வகுப்புகள் நடந்து வருகின்றன. அனைத்துசனிக்கிழமையும் பள்ளிகள் இயங்கும் என்றும் அறிவிக்கப்பட்டுள்ளது.

10, 12-ம் வகுப்புகள் நீங்கலாக மற்ற வகுப்புகளுக்கு இன்னும் பள்ளிகள் திறக்கப்படவில்லை. 9, 11-ம் வகுப்புகளுக்கு விரைவில் பள்ளிகள் திறக்கப்படலாம் என்று தெரிகிறது.

இந்நிலையில், நடப்பு கல்வி ஆண்டு முடிவடைய இன்னும் குறுகிய காலமே இருப்பதால் 9-ம்வகுப்புக்கும் பாடத் திட்டம் குறைக்கப்பட்டுள்ளது. குறைக்கப்பட்ட பாடத் திட்டத்தை மாநில கல்வியியல் ஆராய்ச்சி மற்றும் பயிற்சி நிறுவனம், மாவட்ட முதன்மை கல்வி அதிகாரிகள் மூலமாக அனைத்து பள்ளிகளுக்கும் நேற்று அனுப்பியுள்ளது.


பாடத் திட்டம் குறைப்பு9-ம் வகுப்புSyllabus reduced

Sign up to receive our newsletter in your inbox every day!

You May Like

More From This Category

More From this Author

x