சிறுமிகள் உட்பட 5 பேருக்கு டெங்கு :

திருப்பூர்: திருப்பூர் அரசு மருத்துவக் கல்லூரி மருத்துவமனையில் 5 பேர் டெங்கு காய்ச்சல் சிகிச்சைக்காக அனுமதிக்கப்பட்டுள்ளனர். திருப்பூர் ஊத்துக்குளி சாலை பண்டிட் நகரை சேர்ந்த 13 வயது சிறுமி, காங்கயம்பாளையம் மீனாட்சி நகரை சேர்ந்த 10 வயது சிறுமி, திருப்பூர் மாநகரை சேர்ந்த 7 வயது சிறுமி ஆகிய 3 பேர் உட்பட 5 பேருக்கு கடந்த சில நாட்களாக காய்ச்சல் இருந்து வந்தது. பரிசோதனையில் இவர்களுக்கு டெங்கு காய்ச்சல் உறுதியானது. இதையடுத்து அனைவரும், திருப்பூர் அரசு மருத்துவக் கல்லூரி மருத்துவமனையில் சேர்க்கப்பட்டு, சிகிச்சை பெற்று வருகின்றனர்.