தமிழகத்தின் பல மாவட்டங்களில் - 3 நாட்கள் கனமழை வாய்ப்பு :

தென்மேற்கு பருவக் காற்று,வெப்பச்சலனம் காரணமாக இன்று வட மாவட்டங்களில் ஒருசில இடங்களில் இடி, மின்னலுடன் மிதமான மழையும், தென் மாவட்டங்களில் ஒருசில இடங்களில் லேசான மழையும் பெய்யக் கூடும்.

10-ம் தேதி நீலகிரி, கோவை, புதுக்கோட்டை, கிருஷ்ணகிரி, ஈரோடு மாவட்டங்களில் ஓரிருஇடங்களில் கனமழையும், வடமாவட்டங்கள், புதுச்சேரி, காரைக்கால் பகுதிகளில் ஒருசில இடங்களில் மிதமானமழையும் பெய்யக் கூடும்.

11-ம் தேதி வேலூர், ராணிப்பேட்டை, திருவண்ணாமலை, திருவள்ளூர், காஞ்சிபுரம், தஞ்சாவூர், திருவாரூர், நாகப்பட்டினம், மயிலாடுதுறை, புதுக்கோட்டை மாவட்டங்களில் ஓரிரு இடங்களில் கனமழையும், வட மாவட்டங்கள், புதுச்சேரி, காரைக்கால் பகுதிகளில்ஒருசில இடங்களில் மிதமான மழையும் பெய்யக் கூடும்.

12-ம் தேதி நீலகிரி, கோவை,தேனி, திண்டுக்கல், சேலம் மாவட்டங்களில் ஓரிரு இடங்களில் கனமழையும், மேற்கு தொடர்ச்சி மலையை ஒட்டிய மாவட்டங்கள், கடலோர மாவட்டங்கள், புதுச்சேரி, காரைக்கால் பகுதிகளில் மிதமானமழையும் பெய்யும் என்று சென்னை வானிலை ஆய்வுமைய இயக்குநர் நா.புவிய ரசன் தெரிவித்துள்ளார்.