பிளஸ் 1, பிளஸ் 2 மாணவர்களுக்கு - 17-ம் தேதி முதல் அசல் மதிப்பெண் சான்றிதழ் :

கடந்த ஆண்டு பிளஸ் 1, பிளஸ் 2பொதுத் தேர்வு எழுதிய மாணவர்கள் தங்கள் அசல் மதிப்பெண் சான்றிதழை தாங்கள் படித்த பள்ளியில் வரும் 17-ம் தேதி முதல் பெற்றுக்கொள்ளலாம் என அரசு தேர்வுத் துறை அறிவித்துள்ளது.

இதுதொடர்பாக அரசு தேர்வுகள் இயக்குநர் சி.உஷாராணி நேற்று வெளியிட்ட செய்திக்குறிப்பில் கூறியிருப்பதாவது:

கடந்த கல்வி ஆண்டில் பிளஸ் 1, பிளஸ் 2 படித்த மாணவர்களுக்கான பொதுத் தேர்வு அசல் மதிப்பெண் சான்றிதழை 17-ம் தேதி முதல் அந்தந்த பள்ளியிலேயே பெற்றுக் கொள்ளலாம். மதிப்பெண் சான்றிதழை பெற்றுக்கொள்ள பள்ளிக்கு வரும் மாணவர்களும், பெற்றோரும் கட்டாயம் முகக் கவசம் அணிந்திருக்க வேண்டும். பள்ளி வளாகத்தில் சமூக இடைவெளியை பின்பற்ற வேண்டும்.

இவ்வாறு அதில் கூறப்பட்டுள்ளது.