12-ம் வகுப்பு தேர்வில் வேல்ஸ் வித்யாஷ்ரம் சிறப்பிடம் : நிறுவனர் ஐசரி கணேஷ் பாராட்டு

சென்னை வேல்ஸ் வித்யாஷ்ரம் பள்ளி 12-ம் வகுப்பு தேர்வில் 100% தேர்ச்சி பெற்றுள்ளது. இதற்காக ஆசிரியர்கள், மாணவர்களை வேல்ஸ் கல்விக் குழுமங்களின் நிறுவனர் முனைவர் டாக்டர் ஐசரி கே.கணேஷ் மிகவும் பாராட்டினார்.

பள்ளியில் முதல் 3 இடங்களை பெற்ற யுக்தி ராவ் (500-க்கு 498), அபிராமி (490), அனிருத் (488) ஆகியோருக்கு சிறப்பு வாழ்த்துகளை தெரிவித்தார்.

பள்ளியின் நிர்வாக அறங்காவலர் முனைவர் ஆர்த்தி கணேஷ், பள்ளியில் அனைத்து மாணவர்களும் 60%க்கு மேல் மதிப்பெண்கள் பெற்று தேர்ச்சி பெற்றதை குறிப்பிட்டு பாராட்டு தெரிவித்தார். அனைத்து மாணவ, மாணவிகளும் உயர்கல்வியில் சிறந்து விளங்கவும் அவர் வாழ்த்துகளை தெரிவித்துள்ளார்.