புதுச்சேரியில் புதிதாக 90 பேருக்கு கரோனா : மேலும் ஒருவர் உயிரிழப்பு

புதுச்சேரியில் புதிதாக 90 பேருக்கு கரோனா தொற்று உறுதி செய்யப்பட்ட நிலையில், மேலும் ஒருவர் உயிரிழந்துள்ளார்.

இதுதொடர்பாக புதுச்சேரி சுகாதாரத்துறை செயலர் அருண் நேற்று வெளியிட்ட தகவல்:

புதுச்சேரி மாநிலத்தில் 5,317 பேருக்கு கரோனா பரிசோதனை செய்யப்பட்டது.

இதில் புதுச்சேரியில் 53, காரைக்காலில் 18, ஏனாமில் 5, மாஹேவில் 14 என 90 (1.69 சதவீதம்) பேருக்கு கரோனா தொற்று உறுதி செய்யப்பட்டுள்ளது. இதனால் மாநிலத்தின் மொத்த பாதிப்பு எண்ணிக்கை 1 லட்சத்து 20 ஆயிரத்து 815 ஆக அதிகரித்துள்ளது. தற்போது மருத்துவமனைகளில் 189 பேரும், வீடுகளில் தனிமைப்படுத்தப்பட்ட நிலையில் 790 பேரும்என மொத்தமாக 979 பேர் சிகிச்சையில் உள்ளனர்.

மேலும், காரைக்காலைச் சேர்ந்த 65 வயது மூதாட்டி நேற்று உயிரிழந்தார். இதனால் இறப்பு எண்ணிக்கை 1,793 ஆக உயர்ந்துள்ளது. இறப்பு விகிதம் 1.48 சதவீதமாக உள்ளது.

புதிதாக 82 பேர் சிகிச்சை முடிந்து வீடு திரும்பினர். குணமடைந்தோர் எண்ணிக்கை 1 லட்சத்து 18 ஆயிரத்து 43 (97.71 சதவீதம்) ஆக உள்ளது. இதுவரை 14 லட்சத்து 93 ஆயிரத்து 907 கரோனாபரிசோதனைகள் செய்யப்பட்டுள்ளது. இதில் 12 லட்சத்து 77 ஆயிரத்து 3 பரிசோதனைகள் ‘நெகடிவ்’ என்று முடிவு வந்துள்ளது. மேலும், சுகாதார பணியாளர்கள், முன்களப் பணியாளர்கள், பொதுமக்கள் என மொத்தம் 6 லட்சத்து 96 ஆயிரத்து 624 பேருக்கு (2வது டோஸ் உட்பட) தடுப்பூசி போடப்பட்டுள்ளது. இவ்வாறு அதில் கூறப்பட்டுள்ளது.

ஒரு குழந்தைக்கு தொற்று