பிளஸ் 2 துணைத்தேர்வு அட்டவணை வெளியீடு - 27-ம் தேதி வரை விண்ணப்பிக்கலாம் :

பிளஸ் 2 துணைத்தேர்வுக்கு, வரும்27-ம் தேதி வரை தனித் தேர்வர்கள் விண்ணப்பிக்கலாம் என்று தேர்வுத் துறை தெரிவித்துள்ளது.

இதுதொடர்பாக தேர்வுத் துறை இயக்குநர் சி.உஷாராணி வெளியிட்ட செய்திக்குறிப்பு:

பிளஸ் 2 துணைத் தேர்வுஆகஸ்ட் 6 முதல் 19-ம் தேதி வரைநடைபெற உள்ளது. இதில், பிளஸ் 2 மதிப்பெண்களில் திருப்தி இல்லாதவர்கள் மற்றும் தனித் தேர்வர்கள் தேர்வு எழுத, சேவை மையங்கள் மூலம் 27-ம் தேதி வரை விண்ணப்பிக்கலாம்.

இந்த வாய்ப்பை தவறவிடும்பட்சத்தில், தத்கால் முறையில் ரூ.1,000கூடுதல் கட்டணத்துடன் 28-ம் தேதிவிண்ணப்பிக்கலாம். கடந்த மேமாத பொதுத் தேர்வுக்கு விண்ணப்பித்த தனித்தேர்வர்கள், மீண்டும்விண்ணப்பிக்க வேண்டாம்.தேர்வுக்கான காலஅட்டவணை, சேவை மையங்கள் மற்றும் தேர்வு வழிமுறைகள் உள்ளிட்ட விவரங்களைwww.dge.tn.gov.in என்ற இணையதளத்தில் அறிந்து கொள்ளலாம்.