`வண்டலூர் பூங்காவில் : சிங்கங்களுக்கு கரோனா தொற்று இல்லை' :

வண்டலூர் பூங்கா நிர்வாகம் வெளியிட்ட செய்திக்குறிப்பில் கூறியிருப்பதாவது:

வண்டலூர் உயிரியல் பூங்காவில் 15 சிங்கங்கள் இருந்தன. அவற்றில் 10 சிங்கங்கள் கரோனா தொற்றால் பாதிக்கப்பட்டது கண்டுபிடிக்கப்பட்டது. இதில் 2 சிங்கங்கள் உயிரிழந்தன. இந்நிலையில் சிகிச்சை பெற்ற 8 சிங்கங்கள், தொற்றால் பாதிக்கப்படாத 5 சிங்கங்களுக்கு மீண்டும் கரோனா பரிசோதனை செய்யப்பட்டது. அதில் அனைத்துக்கும் கரோனா தொற்று இல்லை என தெரியவந்துள்ளது.

இருப்பினும், வன உயிரின மருத்துவர்கள் மூலம், சிங்கங்களின் உடல்நிலை தொடர்ந்து கண்காணிக்கப்பட்டு வருகிறது. இவ்வாறு செய்திக்குறிப்பில் கூறப்பட்டுள்ளது.