மின்சார ரயில்கள் இன்றுமுதல் குறைப்பு :

அத்தியாவசிய பணியாளர்கள் மட்டுமே அனுமதிக்கப்படுவதால், சென்னையில் இன்றுமுதல் மின்சார ரயில்கள் குறைத்து இயக்கப்படுகின்றன.

இது தொடர்பாக ரயில்வே அதிகாரிகள் கூறியதாவது:

தமிழக அரசின் உத்தரவைத் தொடர்ந்து மின்சார ரயில்களில் பயணிக்க பொதுமக்களுக்கு தடை விதிக்கப்பட்டுள்ளது. இருப்பினும், அத்தியாவசிய பணியாளர்கள் மட்டும் பயணம் செய்ய அனுமதிக்கப்படுகிறது. இதனால், கூட்டம் இல்லாததால், மின்சார ரயில்களின் சேவை படிப்படியாக குறைக்கப்பட்டு வருகிறது.

கடந்த 2 வாரங்களாக 280 மின்சார ரயில்கள் மட்டுமே இயக்கப்பட்டு வருகின்றன. தற்போது இது மேலும் குறைக்கப்பட்டு 208 மின்சார ரயில்கள் மட்டும் இன்றுமுதல் இயக்கப்பட உள்ளன’’ என்றனர்.