புதுச்சேரி திமுக சட்டப்பேரவை தலைவராக சிவா எம்எல்ஏ அறிவிப்பு :

புதுச்சேரி மாநில திமுக சட்டப்பேரவை கட்சித் தலைவராக சிவா எம்எல்ஏ அறிவிக்கப்பட்டுள்ளார்.

புதுச்சேரி மாநிலத்தில் நடந்து முடிந்த சட்டப்பேரவை தேர்தலில் காங்கிரஸ்-திமுக கூட்டணியில், திமுக 13 இடங்களில் போட்டியிட்டது. கட்சியின் அமைப்பாளர்கள் மற்றும் புதுமுகங்கள் போட்டியிட்டனர்.

6 தொகுதிகளில் வெற்றி

இவற்றில் திமுக தெற்கு மாநிலத்துக்குட்பட்ட பகுதியில் 4 பேர் வென்றனர். குறிப்பாக புதுச்சேரி திமுக தெற்கு மாநில அமைப்பாளர் சிவா வில்லியனூர் தொகுதியில் வெற்றி பெற்றார். 6 தொகுதிகளை பிடித்த நிலையில், புதுச்சேரி சட்டப்பேரவையில் திமுக பிரதான எதிர்கட்சியாக செயல்படும் நிலை ஏற்பட்டுள்ளது.

இந்நிலையில் புதுச்சேரி மாநில திமுக சட்டப்பேரவை கட்சி தலைவராக சிவா எம்எல்ஏ தேர்வு செய்யப்பட்டுள்ளார்.

இது தொடர்பாக திமுக பொதுச் செயலாளர் துரைமுருகன் வெளியிட்ட அறிவிப்பில், ‘‘நடைபெற்று முடிந்த புதுச்சேரி மாநில சட்டப் பேரவைத் தேர்தலில் வெற்றி பெற்ற சிவா எம்எல்ஏ, புதுச்சேரி மாநில திமுக சட்டப்பேரவை கட்சித் தலைவராக அறிவிக்கப்படுகிறார்” என்று தெரிவித்துள்ளார்.