சீதாராம் யெச்சூரியின் மகன் மறைவு - முதல்வர், ஓபிஎஸ், ஸ்டாலின், தலைவர்கள் இரங்கல் :

மார்க்சிஸ்ட் கம்யூனிஸ்ட் கட்சியின் தேசிய பொதுச் செயலாளர் சீதாராம் யெச்சூரியின் மகன் ஆசிஷ்யெச்சூரி (35) கரோனா பாதிப்பு காரணமாக நேற்று காலமானார். அவரது மறைவுக்கு தலைவர்கள் இரங்கல் தெரிவித்துள்ளனர். அவர்கள் கூறியிருப்பதாவது:

முதல்வர் பழனிசாமி: மகனை இழந்து வாடும் யெச்சூரி மற்றும் குடும்பத்தினருக்கு தமிழக மக்கள் சார்பில் ஆழ்ந்த இரங்கலை தெரிவித்துக் கொள்கிறேன்.

துணை முதல்வர் ஓ.பன்னீர்செல்வம்: மகனை இழந்து வாடும்யெச்சூரி மற்றும் குடும்பத்தினருக்கு ஆழ்ந்த இரங்கல்கள்.

திமுக தலைவர் மு.க.ஸ்டாலின்: ஆசிஷ் யெச்சூரியின் இழப்புஆழ்ந்த கவலையையும், மன வருத்தத்தையும் தருகிறது. கடினமான நேரத்தில் சீதாராம் யெச்சூரி, அவரது குடும்பத்தினர், நண்பர்களுக்கு ஆழ்ந்த இரங்கல்.

தமிழக காங்கிரஸ் தலைவர்கே.எஸ்.அழகிரி: யெச்சூரிக்கு ஈடுசெய்ய முடியாத பேரிழப்பாகும். மகனை இழந்து வாடும் அவருக்குஆழ்ந்த இரங்கல்.

பாமக நிறுவனர் ராமதாஸ்: மகனை இழந்து வாடும் யெச்சூரிக்கு, சோகத்தை தாங்கும் வலிமையை இயற்கை வழங்கட்டும்.

மதிமுக பொதுச் செயலாளர் வைகோ: ஒரு குடும்ப உறுப்பினரின் மறைவை, ஆறுதல் மொழிகள் ஆற்றுப்படுத்திவிட முடியாது. இப்பெரும் துயரில் இருந்து யெச்சூரி குடும்பத்தினர் மீண்டுவரஇயற்கைத் தாயை வேண்டுகிறேன்.

மார்க்சிஸ்ட் கம்யூனிஸ்ட் மாநிலச் செயலாளர் கே.பாலகிருஷ்ணன்: ஆசிஷ் மறைவு யெச்சூரிக்கும், அவரது குடும்பத்துக்கும் ஈடுசெய்ய முடியாத இழப்பு. சிறந்த பத்திரிகையாளர் என்ற வகையில் அவரது மறைவு பத்திரிகை உலகுக்கும் பேரிழப்பாகும்.

இந்திய கம்யூனிஸ்ட் மாநிலச் செயலாளர் இரா.முத்தரசன்: பெற்ற மகனை இழப்பதைவிட பேரிழப்பு பெற்றோருக்கு இருக்க முடியாது. யெச்சூரி குடும்பத்துக்கு ஆழ்ந்த இரங்கல்.

விடுதலைச் சிறுத்தைகள் தலைவர் திருமாவளவன்: தந்தை போலவே இடதுசாரி அரசியலில் ஈடுபாடு கொண்டிருந்த ஆசிஷ் மறைவு ஈடுசெய்ய முடியாத இழப்பு.

மனிதநேய மக்கள் கட்சித் தலைவர் எம்.எச்.ஜவாஹிருல்லா: யெச்சூரி குடும்பத்தினருக்கு எனது ஆழ்ந்த இரங்கல்.

இவ்வாறு அவர்கள் தெரிவித்துள்ளனர். பாமக இளைஞர் அணிதலைவர் அன்புமணி, காங்கிரஸ் எஸ்.சி. பிரிவு மாநிலத் தலைவர் கு.செல்வப்பெருந்தகை, பெருந்தலைவர் மக்கள் கட்சித் தலைவர் என்.ஆர்.தனபாலன் உள்ளிட்டோரும் இரங்கல் தெரிவித்துள்ளனர்.