நவசக்தி விநாயகர் கோயிலில் ஜன.25-ல் குடமுழுக்கு விழா

விருகம்பாக்கம் ஏகாம்பரம் தெருவில் உள்ள நவசக்தி விநாயகர் கோயில் குடமுழுக்கு விழா வரும் 25-ம் தேதி நடைபெறவுள்ளது.

குடமுழுக்கு விழாவை முன்னிட்டு ஜன.24-ம் தேதி விக்னேஸ்வர பூஜையுடன் தொடங்கி, பல்வேறு ஹோமம், பூஜைகள் நடைபெறும்.

25-ம் தேதி காலை 8:30 மணியளவில் விநாயகர் பூஜை, கோ பூஜை, பிம்ப சுத்தி, ரக் ஷபந்தனம் செய்யப்பட்டு பூர்ணாஹுதி தீபாராதனை நடைபெறும்.

காலை 9:30 மணிக்கு கலச கும்பாபிஷேகம், 9:45 மணிக்கு விநாயகர் திருக்குடமுழுக்கு நடைபெற்று, 10 மணிக்கு தீபாராதனை, 12 மணிக்கு அன்னதானம், மாலை 7 மணிக்கு விசேஷ சந்தனக் காப்பு அலங்காரத்துடன் தீபாராதனை நடைபெறும்.

சட்டப்பேரவை உறுப்பினர் வி.என்.விருகை ரவி, கோயில் நிறுவனத் தலைவரும் வடபழனி முருகன் கோயில் குருக்கள் சட்ட ஆலோசகருமான முருகன், லலிதாம்பிகை சுவாமி துரை சிங் ஆச்சாரியார் உள்ளிட்டோர் பங்கேற்கின்றனர்.