ஒப்போ ஏ6 5ஜி ஸ்மார்ட்போன்
சென்னை: ஒப்போ ஏ6 5ஜி ஸ்மார்ட்போன் இந்திய சந்தையில் அறிமுகமாகி உள்ளது. இந்த போனின் விலை மற்றும் சிறப்பு அம்சங்கள் குறித்து விரிவாக பார்ப்போம்.
செல்போன் மற்றும் எலக்ட்ரானிக் சாதன பொருட்களை உற்பத்தி செய்து, உலகம் முழுவதும் விற்பனை செய்து வருகிறது சீன தேச நிறுவனங்களில் ஒன்றான ஒப்போ. இந்நிறுவனத்தின் தயாரிப்புக்கு இந்திய மக்களிடையே பிரத்யேக வரவேற்பு இருப்பது வழக்கம். அதன் காரணமாக அவ்வப்போது புதுப்புது மாடல்களை ஒப்போ நிறுவனம் இந்தியாவில் அறிமுகம் செய்து வருகிறது.
அந்த வகையில் இப்போது ஒப்போ நிறுவனத்தின் சார்பில் ‘ஒப்போ ஏ6’ ஸ்மார்ட்போன் அறிமுகம் செய்யப்பட்டுள்ளது. ஒப்போவின் ‘ஏ’ சீரிஸ் வரிசையில் இந்த போன் வெளிவந்துள்ளது. இந்த போன் இந்தியாவில் மிட்-ரேன்ஜ் செக்மென்ட் விலையில் அறிமுகமாகி உள்ளது. மூன்று வண்ணங்களில் இந்த போன் வெளிவந்துள்ளது.
ஒப்போ ஏ6 ஸ்மார்ட்போன்: சிறப்பு அம்சங்கள் என்னென்ன?
6.75 இன்ச் ஹெச்டி+ எல்சிடி டிஸ்பிளே
ஆண்ட்ராய்டு 15 இயங்குதளம்
மீடியாடெக் டிமான்சிட்டி 6300 சிப்செட்
பின்பக்கத்தில் இரண்டு கேமரா உள்ளது. அதில் 50 மெகாபிக்சல் கொண்டுள்ளது பிரதான கேமரா
8 மெகாபிக்சல் கொண்டுள்ளது செல்ஃபி கேமரா
விநாடிக்கு 60 பிரேம்கள் என 1080 பிக்சலில் இந்த போனில் வீடியோ ரெக்கார்ட் செய்யலாம்
7000mAh பேட்டரி
5ஜி நெட்வொர்க்
யுஎஸ்பி டைப்-சி போர்ட்
4ஜிபி / 6ஜிபி ரேம்
128ஜிபி / 256ஜிபி ஸ்டோரேஜ்
இந்த போனின் விலை ரூ.17,999 முதல் தொடங்குகிறது
