இன்றைய போட்டி நிறைந்த வேலைவாய்ப்புச் சந்தையில், வேலைக்கு விண்ணப்பிக்கும்போது Applicant Tracking Systems (ATS) எனப்படும் தானியங்கி வடிகட்டும் மென்பொருள்களைத் தாண்டுவது எளிதல்ல. முறையான குறிச்சொற்களும் (Keywords), வடிவமைப்பும் இல்லாத சுயவிவரக்குறிப்புகள் (Resumes) மனிதர்களைச் சென்றடைவதற்கு முன்பே எந்திரங்களால் நிராகரிக்கப்பட்டுவிடுகின்றன.
இந்தச் சவாலை எதிர்கொள்ளும் விதமாக வடிவமைக்கப்பட்டிருக்கும் செய்யறிவுத் தளமான Resume Worded, உலகெங்கிலும் உள்ள கோடிக்கணக்கான வேலை தேடுவோரால் பெரிதும் விரும்பப்படுகிறது. மிகச்சிறந்த ஆள்சேர்ப்பாளர்களின் மதிப்பீட்டு முறைகளைக் கணக்கில்கொண்டு உருவாக்கப்பட்டுள்ள இந்தத் தளம், சுயவிவரக்குறிப்பையும், லின்க்டுஇன் விவரங்களையும் உடனடியாகப் பகுப்பாய்வு செய்து மேம்படுத்த உதவுகிறது.
உடனடி ரெஸ்யூம் மதிப்பீடும் மதிப்பெண்களும் (Score My Resume) பயனர்கள் தங்கள் ரெஸ்யூமைப் பதிவேற்றியவுடன், இந்தத் தளம் முப்பதுக்கும் மேற்பட்ட ஆள்சேர்ப்புச் சோதனைகளின் (Recruiter Checks) அடிப்படையில் மதிப்பெண்களை வழங்கி, வரி வரியாகத் திருத்த வேண்டிய பகுதிகளைச் சுட்டிக்காட்டுகிறது.
‘Auto-Fix’ செய்யறிவுத் திருத்தம்: ரெஸ்யூமில் உள்ள பலவீனமான வாக்கியங்களை மாற்றி, உண்மையான அனுபவத்துக்கு ஏற்ப தொழில்முறைத் தரத்திலான சக்திவாய்ந்த வார்த்தைகளைக் கொண்டு தானாகவே திருத்தி எழுதும் (AI Rewriting) வசதியை இது வழங்குகிறது.
திறன் இலக்குகளும் குறிச்சொற்களும் (Smart Target & Keyword Matcher)
ஒருவர் விண்ணப்பிக்க விரும்பும் நிறுவனத்தின் வேலை விவரப் பட்டியலை இதில் நகலெடுத்து ஒட்டினால், ரெஸ்யூமில் எந்தெந்தக் குறிச்சொற்கள் விடுபட்டுள்ளன என்பதை இது துல்லியமாகக் காட்டிப் பொருந்தச் செய்கிறது.
ஏடிஎஸ்-நட்பு டெம்ப்ளேட்டுகள் (ATS-Friendly Templates)
ஸ்கிரீனிங் மென்பொருள்கள் (Screening Software) எளிதாகப் படித்துப் புரிந்து கொள்ளக்கூடிய வகையில், ஆள்சேர்ப்புக் குழுவினரால் அங்கீகரிக்கப்பட்ட பிரத்யேக ரெஸ்யூம் டெம்ப்ளேட்டுகளை இது வழங்குகிறது.
தொடர்ச்சியான முன்னேற்றக்கண்காணிப்பு (Score Tracking & Iteration)
ரெஸ்யூமில் செய்யப்படும் ஒவ்வொரு மாற்றத்துக்குப் பிறகும் கட்டணமின்றி மீண்டும் மீண்டும் பதிவேற்றம் செய்து, மதிப்பெண் 90க்கும் மேல் உயருவதை உறுதிசெய்யும் வசதியும் இதில் உள்ளது.
லின்க்டுஇன் சுயவிவர மதிப்பாய்வு (LinkedIn Review)
ரெஸ்யூமிற்கு அடுத்தபடியாக ஆள்சேர்ப்புக் குழுவினர் பார்க்கும் லின்க்டுஇன் பக்கத்தை மேம்படுத்த, தலைப்பு முதல் அனுபவம் வரையிலான அனைத்துப் பகுதிகளையும் எவ்வாறு கட்டமைத்து, மேம்படுத்துவது என்பதற்கான ஆலோசனைகளை வழங்குகிறது.
அறிமுகக் கடித உருவாக்கம் (AI Cover Letters)
ஏற்கெனவே இருக்கும் மாதிரிகளைப் பயன்படுத்தாமல், ரெஸ்யூம், வேலைவாய்ப்பு விவரங்கள் ஆகியவற்றைக் கருத்தில்கொண்டு தனிப்பயனாக்கப்பட்ட அறிமுகக் கடிதங்களை (Cover Letters) உருவாக்கவும் இந்தத் தளம் உதவுகிறது. மேலும் நூற்றுக்கணக்கான சிறந்த மாதிரிகளும் இதில் உள்ளன.
பிற செய்யறிவுக் கருவிகளிலிருந்து இது எவ்வாறு வேறுபடுகிறது?
General AI Chatbotகள் பொதுவான ஆலோசனைகளை மட்டுமே தருகின்றன. துல்லியமான ATS ஸ்கேனிங், தனிப்பயனாக்கப்பட்ட நேரடி ரெஸ்யூம் மதிப்பெண்கள் ஆகியவற்றைப் பெறுவதில் நிறைய சவால்கள் உளளன. Resume Worded தளமோ தொழில்முறைத் தர மதிப்பீடுகள், தானியங்கி திருத்தங்கள் மூலம் நேர்காணல் வாய்ப்புகளை பலமடங்கு அதிகரிக்க உதவுகிறது.
யாருக்கு இது மிகவும் பயன்படும்?
வேலை தேடும் பட்டதாரிகள், வேலை மாறுவோர், மூத்த தொழில் வல்லுநர்கள், சர்வதேச நிறுவனங்களில் வேலைவாய்ப்பைத் தேடும் அனைவருக்கும் இந்தக் கருவி உதவக்கூடும். தொழில்முறை ஆவணங்களைச் செம்மைப்படுத்தி, நேர்காணல் அழைப்புகளைப் பெறுவதை எளிதாக்குவதில் Resume Worded முக்கியப் பங்கு வகிக்கிறது.
செய்யறிவு விதி: தேர்வுகள், போட்டிகளில் அனுமதிக்கப்பட்டால் மட்டுமே செய்யறிவைப் பயன்படுத்துங்கள். தவறான வழியில் செய்யறிவைப் பயன்படுத்தி வெற்றி பெற நினைக்காதீர்கள். நேர்மையான முயற்சியே நிரந்தர வெற்றியைக் கொடுக்கும்.
- மேலும் கற்கலாம்.
- கட்டுரையாளர், பேராசிரியர்,
தொழில்நுட்ப எழுத்தாளர்.